Chief Minister Zoramthanga ho a Bamboo Development Board member thukhawm chuan Bamboo Link Road atana ram rem tha en turin chawlhkar thar lamah fehchhuah an rel.
Nimina CM Conference hall-a thutkhawmah hian Bamboo Link Road chungchanga hmalakna tur hrang hrang sawiho niin, chawlhkar thar lamah bamboo link road atana ram rem tha en turin fehchhuah nise tiin an rel a. December thla tawp lamah bamboo link road board leh bamboo development board joint meeting neih nise tiin an rel bawk.
Thutkhawmah hian Chief Minister Zoramthanga hian tun hnaia Union Finance Minister Nirmala Sitharaman-i hnena Mizoram mamawh a thlen zinga Bamboo Link Road Pilot Project chungchang hmalakna, Bamboo Link Road siamna hmunhma en thlithlai leh area identification chungchanga meeting koh a nih thu a sawi a. Union finance minister chuan Rs Vaibelchhe 100 vel DPR siam tura thurawn a lo pek thu sawiin, a tirah Aizawl district chhunga pilot project siam phawt a nih tur thu a sawi a. Bamboo Link Road hi feet 18 vela zau, pavement feet 10-a siam tum a nih thu a sawi bawk.