EDITORIAL 9/12/21


Assam nena kan ramri buai chinfel hun a la hlat hmel?

Home minister sawi danin Assam nena kan ramri buaiah keini lam 1875 BEFR notification-a kan din ngheh thu leh Assam lam chu 1933 notification-ah an din thu hriat a ni a, chinfel nghal theih ni lo mah se, kan thu erawh hi chu a la kal kual rei deuh dawn niin a lang thung.
Assam nen kan ramri buainaah silai hial hmehpuah lo ni tawh mah se, chinfel engmah a la awm lo a, state hotu lawkten dawhkan kil fo thin mah se, sawifel tak tak a la awm thei lo bawk nen. Tunah chuan status quo a hmalak rih loh hi kan innghahna a la ni tlang ber zel e.
Home minister sawi danin, ramri ching fel tur chuan pakhat duh dan ngawt a tlang thei lova, lehlam lehlam inrem a ngaih avangin chin fel a awlai lo, a ti a. India ram leh ram dang inrina buaite pawh hun rei tak buaipui hnuah pawh chin fel theih a ni rih lo tih sawiin, state ramri ching fel tur pawhin boundary commission-te pawh din ni mah se, ramri chin fel tak tak chu a har an ti ve hle niin a sawi. Hei hi chu hriat sa a ni a, a awllai dawn hauh lo reng bawk. Mahse, na zawka nawr a, chinfel dan dap thuai thuai erawh sorkar hna niin a hriat.
Keini lamin sawihoin kan duhnaah lungrual tlang viau mah ila, kan intihbuaipuite nen kan tanhmun a inan miau loh chuan a buaina hmunah tak chinfelna a awm mai thei dawn chuang lo a, JAC (pawl hrang hrang awmkhawmna) lamin an duh dante aupui ve thin bawk mah se, ngaihsak an la hlawh tawk lo hle tih a chiang reng bawk.
Kan chingfel rih dawn lo rau rau a nih chuan kan ram chin nia kan hriat kan hauh tlat a, ramri venghimtu turte pawh kan la indahngheh zual sauh sauh hi a la tul zel dawn a, hnungtawlh zawng ni lo a, huaisen taka kan dinnaa kan din ngheh tlat zel hi a pawimawh reng bawk dawn e.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427