Tawng dik duhna lamah a kal sual theih ang em?

  • Rempuia R. Lutmang

Kum 4 lai a liam ta, 1995 kuma pastor bo chanchin kha ka chhiar \ha leh a. Chawhnu lam inbual fai ver vawr hnua \hu chung te, mu chung tein ka’n chhiar a, tum loh deuhin ka chhiar chhuak leh dap. A tâwpa a khaikhawmna hi \awng zirna lam chungchang nen inchawih deuha sawi a rem riau a. Chutiang chu ka’n sawi chhin ang e.

Kalkawng chiang sa zawh duh loh hi bona a ni.
Mi thiamte leh a buaipuitu bîkte’na tih dan tur an ruahman, tih dan tura an duan sa ngai pawimawh loa mahni ngaih dâna kal tlat an awm \hin, chu chu he lehkhabua mi hian a sawi a ni; Pathian thu lamah a ni tih kha hria ila. \awng zirna grammar lamah pawh hian a dân dik leh him sa duh khawp loa mahnia phuah chawp ta mai, mi dang hmin tuma phê phê an awm \hin. Mahnia tih ve phêt kan tum hian hma sâwn a har bakah bo a awl duh dâwn khawp niin a lang.

Han kal sual meuh chuan tel ve tum an tam \hin.
Mi tih dân awm sa leh tih danphung pangngai awm sa pêla “mi hlim kal sual” an sawi ang maia hma sâwn deuh bîk pâna inhriat hi bona hmâwr a ni thei. “Rotekawla sepa” an sawi ang maia ho hran neih tum tlat mihring an awm ve reng reng bawk. Chutianga mi bâk sâwna mi dai aia ril dai ta bik nia inhria chu an awm \hin niin a lang. Hetiang thleng tawh chin chuan rilru pawh an sêng nasa a, bum theih tâwk an ngah a, kal sualpui an nei duah \hin a ni awm e.

Chatuan khua a vâr hma loha bo nih inhre lo an awm dawn.
Sawi tawh angin, “kal sual” reng reng hi anmahni ngaih danah chuan “kal dik bîk” an ni zel a. Mahni hmuh dan leh hriat dan chiah dika ngai, ngaih dan dang hlek hmu thei loa ter at zel mai, mahni tih dan tê ni lo chu hnâwl fai vek mai ching an ni a. Anmahni tâwk hian an inâwi tlei a, thiam hi an inti hlerh hlerh mai a. An han insawi hawt a, an hre fuh bik hluah hluah ni tin zan tin kar tin thla tin kumtluan tawh mai a ni. Hetiang em ema fing leh hriat ngah hi chuan mi pangngai an phâk thei tawh lo a, harh chhuah tih a awm hlei thei tawh lo. Anni aiin mi zawng zawng khan an hre lo zawk a, a hre dik awmchhun an nih miau avangin an tan fin ngaihna kawng a awm tawh lo a, an mâwl chatuan dawn a ni mai. \awng chungchanga kal sualte pawh hi Zion kâwl a en hma zawng kal bing nal nal tur an ni ve thei âwm e.

Rinthu leh ngaih dana kawng zawn chawp hi a him lo hle.
Hei hi ka ziah chhan tak chu a ni a, a hma lama mi khi chu hemi ka chhiar hnua ka telh belh tâk chauh a ni. Miin \hahnemngai takin kan \awng an chinglet a, grammar hmangin an zir chiang a, an tan hlâwkna, mi dang tan pawh hlâwkna tho a ni zel. Mi zir bâka thiam tum hi \hahnemngaihna dik a ni na a, rinthu a tel hma em em thung si. Rinthu neih chu a thiang a, mahni rinthu mai mai a tak emaw tih hi a pawi leh si. Hetiang mi hi an \hahnemngaihna a fakawm teh lul \hin nen, thiamna tak tak neih si loh chuan rinthu leh ngaih danin grammar hi sawi kual chiam a ngaih phah \hin a, chu bawk chu a hma lamaa bona/kal sualna kan tih kha a ni. Mi bâk sâwn hi hlawhtlinna a ni thei a, kal sualna/bona a nih theih bawk avangin a him lo chin dâia nilên hi thil theih a ni âwm e.
“Pastor Bo Khan Thu a Sawi Dawn” tih ka chhiar zawha ka’n type tâk mai a nia. A thu pawh a buh deuh nuaih mai thei e. Ka han sawi tâk ang khi tu mah in awm loin ka hria.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427