All India Football Federation leh Mizoram Football Association tangkawp buatsaih football coaching zirna AFC C License Coaching Course Module 1 chu Regional Sports Centre, Saidan, Kolasibah Zirtawpni khan Dr Vanlaltanpuia, Chairman, Mizoram Youth Commission chuan a hawng.
He a hawnnaah hian Kolasib nula Lalremsiami, Olympian chuan Guest of Honour niin a telpui.
He football coaching zirna hi Mizoram Youth Commission leh Mizoram Football association thawhhonaa buatsaih a ni a, All India Football Federation atangin coaching zirtirtu langsar Pu Mariano Dias chuan December 10 atanga 16 chhung Mizo football coach 22 a zirtir ang.
AFC C License Coaching Course hi MFA Technical Committee lamin an vil a, Kolasib DFA lamin a tul apiangah an tawiawm bawk.