Parliamentary Research & Training Institute for Democracies (PRIDE) chuan Mizoram journalist leh IPRO-te tan December 9-10 chhung khan PRIDE Lecture hall, Parliament Complex, New Delhi-ah ‘Training Programme in Parliamentary Processes and Procedures for Media persons of Mizoram’ an buatsaih.
He training-ah hian Mizoram Journalists’ Association (MJA) member paruk leh Information & Public Relation Officer (IPRO) paruk, an vaiin mi 12 an tel a. Training-a telte hi Mizoramah an rawn let leh tawh a ni.
Training-ah hian Member of Parliament pahnih, Standing Committee on Labour Chiarperson Bhartruhari Mahtab, Prof Sougata Roy bakah Rajya Sabha Media Advisory Committee Chairperson Rahul Shrivastava, Lok Sabha Secretarit Additional director Partha Goswami, Rajya Sabha Media Advisory Committee Chairperson hlui KV Prasad, Ministry of Statictics and Programme Impementation Deputy Director General Pankay Shreyakar leh IIMC Assitant Professor Dr Rinku Pegu ten thupui chi hrang hrang hmangin zirtirna an pe a ni.
Mizoram atanga training-a Delhi-a kalte hi PRIDE hotute ruahmannain Parliament Library leh Museum fanpui an ni a. December 9 khan Lok Sabha session neih mek chhimtir an nih bakah Parliament Secretariat-a an hotute thenkhatte an kawm bawk.
He training-a telte hi Rajya Sabha MP K Vanlalvena leh sorkar laipui hotute dawra New Delhi-a zin, Health Minister Dr R Lalthangliana ten Mizoram House-ah zanriah an buatsaihsak a, inkawmhona hun tha tak an nei a ni.