BTS hla, ‘Dynamite’ chu YouTube Billion View Club-ah Ariana leh Shawn Mendes te hla rualin a lut ve ta.
Kum tawp a hnai a, rimawi khawvelah record thar duhawm a lan chhoh mek lai hian 1 billion view nei tling an awm nuk mai. Aiana Grande’s No Tears Left to Cry, Break Free, Side to Side, Bang Bang and Problem, Eminem’s Rap God, Without Me, Lose Yourself te chu a langsar.
Zaithiam dang- Blackpink, Whitney Houston, Billie Eilish, Bon Jovi, Nelly and Kelly Rowland, Rick Astley, Cardi B, Metallica, The Cranberries, A-ha, Chris Brown, Linkin Park, Shawn Mendes, Drake leh artist dangte’n 1 billion view kai an nei chho zut zut mai.
BTS hian YouTube lama 1 Billion view kai thei mai tur hla tha-hnem tak an nei a, artist zingah an dinhmun a tha fal hle.
Heng- Not Today, Idol, Butter, Spring Day, Blood, Sweat and Tears, Dope, No More Dreams, Cypher Pt. 3: Killer, Save Me, Sliver Spoon, Run, Attack on Bangtan leh I Need U hla te hi tun atanga reilotea 1 Billion view kai thei dinhmuna an inhlankai chhoh ngei rin a ni.
Bihchian lehzualna
Nikum 2020 a US-a hla hralh kal ber chu BTS hla hit, ‘Dynamite’ a ni. Tuma’n an pha lo.
Platform tha tak tak- Apple Music, Spotify leh YouTube kaltlangin lei kher ngai lovin hla lar tak tak ngaihthlak theih a ni ta zel bawk a, remchanna a awm mek lai hian a hralh lamah pawh BTS an chungnung zel tho.
Hla emaw album hit teh nana hman ber hi tunhma zawng khan hralh tam leh tam lovah a innghat deuh chawt a, tunah erawh view/streams atangin teh a ni ta ber. Mahse, 2020 khan hla pakhat chu a hralh ang zawng pawhin US-ah a kal miah miah hle a, copy mtd. khat chuang an hralh chhuak. ‘Dynamite’ a ni.
The Weeknd ‘Binding’ Lights’ ai pawhin a let hnihin an hralh hnem. 2019 kum tawp lama hralh chhuah niin, thla 12 zet hun a nei chung pawh hian copy 580,000 a tiral thei a, BTS lakah a pui tawk lo.
‘Dynamite’ hi August 2020 khan tlangzarh a ni a, Billboard Hot 100-ah No. 1 in bul a tan chho a, South Korean chhul chhuak zinga he dinhmun luah thei hmasa ber leh awmchhun an ni a, market lamah hralh a kal.