Lei chung Van hnuaia nula hmeltha, duhawm, piantha leh thluak tha bawk si thlanna ‘Miss Universe’ ah Miss India Harnaaz Sandhu chuan ram 80 aiawh nula chhuanvawr te chu khumin ‘ber’ nihna a hauh. Kum 21 hnu ah India-in Miss Universe a nei veleh thei ta.
Kum 21 zet a nghah hnu ah India chuan Miss Universe thar a nei leh ta hlawl mai a. Miss Universe 2021 thlanna Israel Eilat hmuna tukin zinga neihah India Nula Harnaaz Kaur Sandhu chu Miss Universe 2021 atana thlan a ni.
India in Miss Universe Lallukhum a lâk hnuhnun ber chu Kum 2000 khân ni in, India chuan Miss Universe Lallukhum ala let leh ta.
First Runner up atan Paraguay ni in, Second Runner-up ah South Africa thlan a ni bawk.
Top 5- ah Philippines leh Colombia an in hlangkai ve bawk a ni.
Tunge a nih?
Harnaaz Kaur Sandhu hi Punjab Nula ni in, kum 21 a upa a ni a, Ft.5′ 9 a sâng a ni. Information Technology-ah Bachelor Degree neiin, tunah hian Master of Arts in Public Administration a zir leh mek a ni. India tâna Miss Universe Lallukhum la thei pathumna a ni.
Femina Miss India 2019 ah Harnaaz Sandhu hi Punjab State aiawhin alo tel tawh bawka, hetah hian TOP 12 -ah a inhlangkâi bawk.
Ropuina ram thlentu chhanna
Zawhna: Thangthar hmeichhia te hnenah tunlai khawvela pressure (tur na, nawrna) an hmachhawn dan turah engtiangin nge thurawn i pek ang?
Channa: Tunlai thangtharte pressure (tur na, nawrna) tawn nasat ber chu mahni inringtawk tura nawr/tur na hi a ni in ka hria a. Kan danglam bikna te hi kan mawina a ni tih te, midang nena in khaikhin lovin khawvel hawi zawng thil pawimawh lama sukthlek a tul a, chu chu kan hriat atha in ka hria. Mahni tana dinga, kan nun hi keimahni ta ani tih hriat a pawimawh. Keipawh ka in rintawkna avanga vawiin a helai hmuna ding hi ka ni.