Mizoram cricket team chuan Pathianni khan Vijay Hazare Trophy a an match li na Meghalaya nen an khel a, run 19 a tlawmin Mizoram tan Elite Group a kaisanna kawng a inkhar.
Jaipur a K L Saini Stadium-ah Mizoram in vawm hmasak an thlang a, over thumnaah wicket hnih la in bul an tan chhe lo. Meghalaya n run 65 an siam in wicket nga an hloh tawh a, mahse an state pawn player, Delhi Daredevils tana Indian Premier League lo khel tawh Punit Bisht chu an tana kawng hawngtu niin run 142 a siam. Over 49-a an out zawhin Meghalaya hian run 237 an siam.
Mizoram tan state pawn player tawnhriat nei tha tawh pahnih Taruwar Kohli leh Iqbal Abdulla ten bat hmanga an insawhngheh hma in an wicket an hloh a. Captain Uday Kaul chuan run 109 siamin tualchhung player ten theihtawp in an thlawp a, mahse run rate tisang hleithei lovin over 50-ah run 218 an siam.
Plate Group-ah Mizoram hian khelh li atang vawi hnih hnehna an chang a, point 8 hmu in palina an ni a. An group atang a sang pahnihte hi Elite Group a kaisang tur an ni a, khelh khat la nei mahse a sang pahnihte an la tlawm ve loh avangin an tling thei tawh lo.
Mizoram team inkhel zawhah CAM Honorary Treasurer Zosangliana chuan, “Kan state pawn player tawnhriat nei tha an bowl out hma a, Iqbal pawh wicket lak tum ranin an bei a, an catch out ta ngei a, khata tang khan thawhleh a har tawh. Tualchhung lama kan nauten theihtawp an chhuah a, mahse luh veleh atanga vuak nghal a har.”
“Anni lam pawhin kan inkhelhna condition avangin run siam harsa an ti. An outstation player Punit Bisht khan an innings ah kawngro a su em em a, harsatna nei miah lovin a khel. A tawp thlengin kan tang a, mahse vawiin chu kan vanduai tum a ni.” tiin a sawi a.
Mizoram thlen chin erawh hmasawnna a nih thu sawi bawkin, “”A tira kan tum kan thleng zo ta lova, a pawi kan ti, a uihawm hle. Mahse kan team-ah hian hmasawnna hmuh tur a tam a, kan thlen chinah lungawi lo mah ila hmasawnna zel a ni.” a ti.
Mizoram hian Thawhlehni hian an inkhel hnuhnung berah Nagaland an hmachhawn leh ang.
Mizoram vs Meghalaya scorecard
Meghalaya 237
Run Rate: 4.84
Overs: 49/50
Punit Bisht 142(129)
D B Ravi Teja 42(74)
Kishan 20(43)
Taruwar Kohli 4/37(9)
Parvez 2/48(8)
Dika Ralte 1/27(9)
Mizoram 218/7
Run Rate: 4.36
Overs: 50/50
Uday Kaul 109 (123)
Joseph Lalthankhuma 23(40)
Parvez Ahmed (15(13)
Ram 2/26 (6)
Akash Kumar 2/57 (10)
Meghalaya run 19 in an chak