Army Chief Gen MM Naravane chuan Chiefs of Staff Committee chairman nihna a chelh rih dawn a, he committee hi sipai chi thuma hotu berte awmna a ni.
He nihna hi December 8-a IAF helicopter chesuala Chief of Defence Staff Gen Bipin Rawat-a a thih hnu khan a ruak a ni.
Gen Naravane-a hi sipai chi thuma a lal ber theuh zingah hian a phanchang ber a nih angin committee chairman nihna hi a chelh rih dawn niin hemi chungchang sawitu chuan a sawi.
IAF Chief Air Chief Marshal V R Chaudhari leh Navy Chief Admiral R Hari Kumar te chuan September 30 leh November 30 khan an nihna hi an zawm ve thung.
Chief of Defence Staff (CDS) nihna siam a nih hma pawh khan sipai chi thum hotu ber zinga a phanchang ber zelin Chiefs of Staff Committee-a chairman nihna hi an lo chelh tawh thin.
Chiefs of Staff Committee (CoSC) hi Thawhlehni khan an thukhawm nghe nghe a, Gen Rawat, a nupui Madhulika leh sipai dang 11 thi sunna hun an hman.