Mizoram mipa basketball team chuan an mamawh ang result an nei a. Assam lakah hnehna changin 71st Senior National Basketball Championships – North East Zone-ah an champion a. Regional championship khel turin an tling.
Shillong-ah NE Zone hi nghah a ni a, Pathianni a mipa team inelna ah Mizoram in an match hnuhnung ber an khel a. Assam 64-85 in an hneh a. Mizoram in an chungnunna tournament tluanin an chhawm nung.
Mizoram hian January 23-30 inkar a Chennai a neih tur Senior National Regional Championships-ah India hmarchhak ai an awh dawn a ni.
Mizoram Basketball Association chuan an hlawhtlinna kawnga tha thawhtu hrang hrangte hnenah lawmtu an sawi nghal a. Player-te leh coaching staff te chhungkua zawng zawng chungah lawmthu an sawi.
Mizoram team hi Saichhunga te unau, Dawrpui Vengthar, LB Associates Bungkawn, Samoo Dawrpui, Zote Honda leh Zothan Auto works, Agri Fresh Trading Co(Silchar) ten an sponsor a. Minister K. Lalrinliana leh Dr. C. Daniala (NEIGHRIMS) ten an mamawh apiang ngaihtuahsak bawkin MBBA chuan an chungah lawmthu a sawi tel.
“Mizo mipa te NorthEast-a team tha ber an ni a, kan chhuang takzet. Shillong-a Mizo awm zawng zawngte chungah kan lawm tak meuh meuh a ni.”
“Mizo mipui min tana min tawngtaipui tute chungah thinlung takin kan lawm bawk e. “ MBBA hian an ti bawk.