Lungpho khuain kuminah buh tin 22,872 an thar a, December 17 khan buh thar tam hi an lawm.
Buh thar tam lawmna, Lungpho Community Hall-a neihah hian AMC executive Councillor H Zonunsanga chu khuallian a ni a, Lungpho – Ngentiang Welfare President C Lalrinliana chu khualzahawm a ni.
Lungpho khuaah hian in 113-in buh an ching a, tlangram lo atangin buh tin 19,410 tharin, leileta chingtuten tin 3469 an thar bawk a, buh thar zawng zawng hi tin 22,872 a ni a; buh thar hi chawhrualin in khatin tin 202 theuh thar chhuak ang an ni.
Tlangram lo neih zingah Dothawnga te chhungin tin 559 an thar a, a thar tam ber an ni a, leilet neitute zingah Chawnsanga te chhungin tin 590 tharin a thar tam ber an ni bawk.