Queen Guitarist Brian May chu nasa taka a fimkhur chungin Covid-19 in a bawh buai ta tho a, brithday party pakhata a kal hnu-ah hri a kai ngei tih finfiah a ni.
May leh a nupui Anita Dobson te te hi an thian then-khatte nen an kal hova, hri inkaichhawng thei hlauh-awm a awm reng bawk avangin fimkhur theihtawp-in an fimkhur tlang hle.
“Ka tan chuan hriatthiam harsa lutuk tak mai a ni. Hri kai hlau reng rengin fimkhur takin ka khawsa thin kha a ni a, heti anga ka lo positive ta mai hi a rapthlak hle a, hritlang ka neih tawhah chuan tawrh a la hrehawm ber,” tiin May hian a sawi.
Fimkhur ngai
Masi hunpui lo thleng turah mitinte fimkhur tura chahin, holiday hlimawm leh nuam tak tur hi hripui vangin hun hrehawm leh rapthlakah a chang hlauh thei a, chuvang chuan, mitin te him vek turin duhsakna a hlan.