Mizoram a Premier League football club Liverpool FC tantute chuan Pathianni khan Krismas pualin midangte tanpuina hun an hmang a. ‘Christmas Charity’ tluang takin an nei.
Mizoram Reds -Official Liverpool Supporters Club, Mizoram te hian Phunchawng a Operations Kingdom Ministry leh Durtlang a Home for Hope-ah tanpuina hi an hlan a. Hemi bakah hian Aizawl khawchhungah chhungkaw pakhat hnenah tanpuina an hlan tel.
Mizoram Reds – OLSC a member-te hian Rs. 54,500 lai an thawhkhawm a. Liverpool tantuten thahnemngai taka sum leh pai an thawh zawng zawngah Supporters Club chuan lawmthu a sawi.
Mizoram Reds – OLSC hi Liverpool Football Club nen inthlunzawm an ni a, an hnuaia official supporters club zinga inziaklut niin an chetchhuahna pawh hi club lamah hriattir a ni bawk.