Sex-a i buai fo chhan!

HMEICHHE HUANG
Sex-a i buai fo chhan!

Nupa inkâra hmangaihna leh inlaichinna tinghet zual a, lei hmun zau tak luahkhat a, inthlah pung tura Siamtu remruat-na hi a ropui em em lai leh thil mak tak, mihring thiam-na atanga chhut phak rual loh thilah hian hlimna tam tak a awm laiin, hman fuh loh a, a nihna tur anga a kal loh erawh chuan mihring tan an-chhia leh thil duhawm lo tak tak a thlen thei thung.
Mipa te hi engemaw hlekah pawh phur thei reng an nih laiin, hmeichhia erawh an hmanhmawh ve thei lova, a vawrtawp thleng tur chuan rei tak nghah an ngai fo. Mipa tan dawhtheihna neih ngah a ngai hle bawk. Nupa hlimna hi mi mipakhatina pumbilh emaw, ‘ta bik’ anga ngaih ngawt theih a ni lo. Mipahnih hlimna tur a ni.
Chanchhe zawk hmeichhiate hian chhan hrang hrang vang-in nupa nun hmannaah hian an tha a tho lo thin a, châkna an nei lo fo thin. A chhan leh vang hriatchhuah vat anih loh chuan nupa nun a buai a, chhungkua pawhin a tuar zui nasa thei hle.

Damdawi vanga harsatna
Natna benvawn leh khirh zual bikte hian nasa takin buaina an siam thei a, tisa châkna pawh an tibuai pha viau reng bawk a ni.
Cancer, Zunthlum, thisen sâng, thluak lam harsatna etc. te hi a langsar zual te an ni a. Naupai thei lohna pawh hian ‘sex drive’ hi a tihniam thei hle a, hetiang thilah hi chuan doctor rawn a pawimawh hle a ni

Zu leh ruihhlo
A awm mawi tawk a awm hran lova, Zu leh ruihhlo lakluh a nih hian a bik takin, hmei-chhiate’n an tuar lehzual a, châkna an neih loh chhan-a a kaikuang zinga mi a ni

Chauh leh hah
Kum upa lam enkawl hah lutuk thin te, fanau enkawl reng renga buai thinte bakah, hnathawh hah vang hrim hrima buai nileng thinte tan inpeih at hi thil harsa tak a ni tawh thin.

Naupai leh nau neih
Naupai chhung hian hmei-chhe tam takte hian châkna an nei tlem thei em em a, nauhrin hnu leh hnute pek lai hun zawng pawhin an tha a tho lo hle a, a chhan bera chu- taksaa ‘hormone’ danglam tak vang a ni.

Thi hul
Hormone pawimawh tak, ‘Oestrogen’ hian serh tuamtu tissue hriselna kawngah mawh a phur a, hei hian tisa châkna a titho hmâ thei hle. Chutih laiin, thihul a lo hnaih hian oestrogen level pawh hi a tlakhniam nghal ve duak thin avangin, châkna a bo ve tial tial a, lo hmang ta reng pawh ni se, nâ ngawih ngawih leh nuam tih lohna a awm thin.

Damdawi thenkhat
Rilruhahna chhâwk zangkhai thei damdawi te, BP damdawi te bakah cancer enkawlnana hman thin, chemotheraphy damdawi te hi tisa châkna nuai bo thei khawpin an chak em em a, chuvang chuan heng damdawi hmang ‘regu’ i nih chuan i ‘fit’ a beiseiawm loh hle.

Lan dan fuh lo
Mahni taksa leh pian-hmanga lungawi chiah lo leh ‘confi’ lem lo takte hian mahni insitna an neih nasat avangin, mipat hmeichhiatna kawngah pawh an chak lo hle thin.

Mipat hmeichhiatna lam hawia inkhawih chhiatna
Tunhmâa pawngsual tawh vang emaw mipat hmeichhiat-na chungchanga khawih nawmnahna tâwk tawhte hi hlauhna leh thinrimna te, lung-awi lohna te’n an nun a bual nasat thin em avangin nupa nun hlimna kawngah harsatna tam tak an tawk thin a ni.

Uirena vangin
Pawmlai te laka rinawm loh vang leh midang kawp thinte avang hian kawppuite laka rilru put thiam pawh a harsat phah a. Tisa châkna a hul a, inrinhlelhna a awm tawh miau avangin hlim taka hman a harsa tawh hle thin.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427