Salvation army youth (SAY), Temple Corps, Aizawlin Krismas urlawk zan khan Coffee Nite an buatsaih leh a, kumdangah chuan Coffee Nite-a sum hmuh te hi hnuchhamte puala dah thin ni mahse, tuntum Coffee Nite-a sum lut te chu COVID19 vanga harsatna tawk puih ngai te tan hlan a ni ang.
Coffee Nite hmanpuitu I&PR minister Lalruatkima’n Coffee Nite chu hnuchham tanpuina buatsaih thin a nih thu leh tuntumah COVID19 vanga harsatna tawkte puala buatsaih a nih ve leh thu sawiin, Chhandamna Sipai Pawl thalai ten tumah thliar bik nei lova midangte tanpui duhna thinlung nena hun tha an siam chu hlu hlea a hriat thu a sawi.
Coffee Nite hi atanga buatsiah tan niin, tuntum hi a vawi 22-na a ni a. Hri leng avangin kumdang anga mipui nawlpui chhim theih tura buatsaih a rem loh avangin TV leh youtube lam atangtea chhim theih tura buatsaih a ni.