Kum liam ta, 2021 chhung khan Mizoramah COVID-19 kai nunna chân mi 537 an awm a, an zinga mi 340 chu mipa niin, hmeichhia 197 an ni.
January, February leh March, 2021-ah te COVID-19 kai nunna chân mi pakhat theuh an awm a, October, 2021-ah mi 122-in nunna chânin, nikum chhunga COVID-19 kai nunna chân an tam ber thla a ni a. September 23, 2021-ah nunna chân mi 11 awmin, nikuma COVID-19 kai nunna chân an tam ber ni a ni thung.
December 15, 2021 zan dar 9:45-a chatuan ram pan ta, kum 100 mi, Biakthuami, Keifang Venghlui chu Mizorama COVID19 kai nunna chân tawh zinga upa ber a ni a. September ni 28, 2021 zan dar 8:30-a chatuan ram pan ta, ni 18-a upa, Brenda Zorempuii, Luangmual, Lunglei chu COVID-19 kai nunna chân zinga naupang ber a ni.
COVID19-in Mizoram a luhchilh hnuah kum 66 mi, Lalsangkhuma, Dawrpui Veng, Aizawl chuan October 28, 2020 chhun dar 12-ah chatuan ram panin, Mizoramah COVID19 kai nunna chân hmasa ber a ni a. Kum 2020-ah hian November-ah mi pangain nunna chân lehin, December-ah mi pahnihin nunna an chân bawk.
Kuminah nimin tlai dar 5 thleng khan COVID-19 kai nunna chan mi pasarih awm tawhin, Mizorama COVID-19 kai nunna chân zawng zawng 552 an ni a, heng zinga mi 353-te chu mipa niin, hmeichhia 199 an ni.