India ram martial arts hrang hrang instructor-te hnena pek thin Self defence Instructor National Award sem chhuah takah National Award of Excellence 2021 chu Mizoram a Taekwondo coach Master Joseph Thansanga hnenah pek a ni a. Thawhlehni khan he chawimawina hi Sports & Youth Services Minister Robert Romawia Royte in a hlan.
Self Defence Instructor Award hi Combat Tactical Association buatsaih niin India rama martial artist zirtirtu hrang hrang te hnathawh dan an lakkhawm atangin chawimawina hi an pe.
Joseph Thansanga hi SYS Taekwondo coach, Black belt 5th Dan niin international coach leh referee a ni a, a hovin kum 2019-20 chhung khan school hrang hrang 140 chuang leh college-a self defence zirtirtu te leh naupangte training pein an zirtir chhuak vek an ni.