Khaw 17-a VC aiawhte leh Tlabunga Environment, Forests & Climate Change deptt. hotute nimina thukhawmin, kumtina Tlabung chhehvel ramngaw zau tak kang \hinin mipui khawsak phung a nghawng \an thu leh ramngaw a kan belh zel lohna tura \an lak \ha an tih thu an sawi.
Tlabung Forest Range \hutchilhtu, Range Officer F Lalthianghlima chuan, kum tin Tlabunga Forest department enkawl huamchhungah ram zau tak a kang thin tih sawiin, hei hian kawng hrang hranga harsatna a thlen tan tawh avangin do let a tul hle tih a sawi a, Tlabung chhehvel khaw hrang hranga Village Council 17 aiawh kalkhawmte chu kangmei vanga ramngaw a chereu zel lohna tura thawhpuiah a sawm a ni.
Nimina Tlabunga Range Officer pisaa thukhawmte hian ram kang ven kawngah theihtawpa a thara tan lak relin, hemi atana resolution pharh chu lungrual takin an pawm nghal a, anmahni VC huamchhung theuh kangmei laka a him theihna turin Sorkar-in hemi kaihhnawiha thupek hrang hrang a tihchhuah thinte tha zawka kenkawh an tum thu an sawi a ni.
Tlabunga Forest department hotute leh khaw hrang hrang atanga khawtlang hruaitu kalkhawmte hian, Sorkar-in lo hal hun a siam tha taka zawm bakah, meilam kawng sial that a pawimawhzia uar zawka inzirtir an rel a, hei bakah hian ram tikang an awm a nih chuan dan anga an chunga hremna lekkawh a nih theihna tura a tul anga hmalak tha an tih thu an sawi bawk a ni.