NH 302 Monitoring Committee for Tlabung-in fur ruahtui tlak hma ngeia Tlabung leh Lunglei inkalpawhna National Highway 302 kawng laih hna zawh hman ni thei se an duh.
Lunglei Thalai Pawl kaihhruaina hnuaia Tlabunga NGO hrang hrang aiawh kalkhawmin, kawng sial hna thawh mek ngaihvena thlithlai thrin tura an din he committee hi Zirtawpni khan an thukhawm a, an khaw pawhtu kawngpui sial hna chu a nih dan tur anga thawh a nih theih nan kawng hrang hranga hmalak dan tur an rel a ni.
Monitoring Committee chuan inkalpawhna kawngpui chu contractor-te tan ni lo, mipuite tana siam a nih ang ngeiin, kawngpui tha an neih theih nan kawng siamtute thawhpui tur leh, a tul a nih chuan anmahni nawr tura an inhuam tur thu an sawi.
Fur a thlen hunah kawng laih vanga lei vung chuan nasa taka kawngpui a la tihdiak theih dawn avangin ruahtui tlak hma ngeia a sial leh rawt hniam hna (formation cutting) zawh hman ni thei se, an duh tih an sawi bawk.