January 2, 2022 zing atanga bo, Johny Lalparliana chu a nawlpuia zawnna tihtawp a ni.
Nimin khan Johny Lalparliana bo zawnnaah hian Mamit bakah Dampui leh Zemabawk khawtlangten zawn beihpui hi an thlak leh a. Ni sarih chhung zawn a nih hnuah hmuh a nih loh avangin nimin chawhnu dar 1 khan Highway peng, Luangpawl veng, Mamit-ah a nawlpuia bo zawnna hun tawp hman a ni.
He huna Lalruatfela, Secretary, Luangpawl branch YMA in a tar lan danin, mi bo zawn nan hian tha 3000 vel sen a ni.
Johny Lalparliana hi driver niin, Zemabawka khawsa nghet a ni a. A bo lai hian a hnathawkna, 4th IR, Luangpawl-a awm a ni. Lalparliana hian a nupui leh fa pahnih a nei a ni.