Mizoramah Inrinni kalta January 8 thlenga mi 29,832 test tawhah COVID-19 hri kai 3,862 hmuhchhuah an ni tawh a, heng zinga 1,214-te chu Aizawl district-a hmuhchhuah niin, district danga hmuhchhuah 2,648 a ni.
Hri leng thawh thumnain Mizoram a tuam mek laiin COVID-19 chi thar Omicron pawhin Mizoram a hnaihchilh chho zel a. Kuminah a ni telin hri kai hmuhchhuah thar an pung chho bawk.
Kumin January 1-a mi 510 test zingah hri kai 84 hmuhchhuah an ni a, January ni 2-a mi 650 test zinga 152-in COVID-19 an kai tih hmuhchhuah a ni.
January 3-ah mi 2,217 test niin, mi 347-in hri an kai a, ni 4-a mi 3,311 test zingah mi 443-in hri an kai. Ni 5-a mi 5,820 test zingah mi 502-in hri an kai a, ni 6-a mi 5,959 tesh zinga mi 579-in hri kaiin, ni 7-a mi 5,672 test zinga 852-in hri kaiin, ni 8-a test mi 5,694 zinga mi 903-in hri an kai tih hmuhchhuah a ni bawk.
Kuminah Inrinni kalta thleng khan Mizorama district hrang hrang zingah Aizawl district-ah hri kai hmuhchhuah tam berin 1,214 hmuhchhuah an ni tawh a, Siaha district-ah hmuhchhuah la tlem berin hri kai mi 21 hmuhchhuah tawh an ni.