Tlang chimin a hnuai dila lawng a delhah mi pasarih thi


Brazil rama khualzinte tlawh nasat tak dil pakhat bul tlang chimin a hnuai dila lawnglei delhin mi pasarih vel an thi.
An ram chhimchhak lama chhiatna thlengah hian mi pathum chin hriat lohvin an la awm a, mi 32-in hliam an tuar bawk.
Video thehdarh atanga a lan dan chuan dil khuaptu tlang ding lai vel atangin lung lian tak a tla a, dil kam vela awmte chuan lawnglenga chuangte chu insaseng turin nasa takin an au a ni.
Lawngleng hi pakhat chauh a pil nia hriat a ni a, a dangte chu an insaseng thei hlawm a ni.
Chhiarna hi Minas Gerais state-a ni eng emaw zat ruah a sur hnua an ram sanaa Inrinni chawhma dar 11:00 (India rama zan dar 7:30) vela thleng a ni a. Ruah a sur chiam hnuah hian tlang hi che mai thei tura rinna pawh fire thuneitute chuan an nei niin thuthar lakhawmtute an hrilh.
“Chim tur a awm a nia,” tia hmeichhe pakhat au lai lanna video pawh a awm a. Mi dangin, “Tlanchhe rawh u,” tia lawnglenga chuangte a au tuar tuar lai a hriat theih pawh.
Lieutenant Pedro Aihara chuan lung tla hian lawng pathum a fuh niin thuthar lakhawmtute a hrilh a. Hliam tuar mi 32 zinga pakua chu damdawi inah dah an nih thu a sawi bawk.
Tui lut thiam leh helicopter hmangin dam chhuak dang an awm em tih zawn zui mek zel a ni.
A tirah mi 20 bo anga hriat ni mah se damdawi ina awm nen endik an nih hnuah a ni ta lo tih Lt Aihara chuan a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427