Khawvela mit hmuhah chuan telecom industry lian ber pahnihna hi a hlawhtling chho viau niin a lang a, mahse chhungril lamah chuan puitu a ngai a, chhantu a mamawh hle. Indian market-ah a inkhai ding zo dawn em? tih chu zawhna lian tak a ni ta.
1India hian phone subscriber billion 1.0 velzet neiin, China tih lovah chuan telecom company te tan market lian ber a ni a, broadband subscriber maktaduai 765 chuang awmna India-ah hian simcard awlsam leh man tlawm taka lei theih a nih avangte’n telecom lam thilah a zuang dawrh dawrh a ni ber mai. Mahse, heng number te hian chhungrila telecome te manganna a phawk chhuak zo lo hle. Tunkar chho khan Vodafone Idea, ramchhung market-a upa ber pawl leh hmangtu tam ber te zingami chuan tluchhe ngei ngei tur laka sorkar khaichhuah tumna chu a pawm fel ta.
2Sorkar hian Vodafone Idea share hmun thuma thena hmun khat (36%) vel a la thei dawn a, a bak zawng hi joint venture partner- British enkawl Vodafone Group (28.5%) leh India lam atangin Aditya Birla congolomerate (17.8%) te’n an chawm nung thung ang.
3Kum nga liam ta atang tawha a hlawkna tel tawh lo Vodafone Idea dinhmun hi a chau rau mai a ni lo a, tlu chhe ngei ngei tura ngaih a ni tawh. Nikum khan customer maktaduai 253 vel hloh tawh bak nen, company chairman Kumar Mangalam Birlar meuh pawh a mangang hle a, court lam atanga chanchin lawmawm an dawn loh chuan operator te’n dawr an khar vek a ngai ang, a ti hial a ni. Chumi awmzia chu, company lamin stake tam zawk an hloh emaw an hlawhchham tawh chuan sorkar puihna dil mai chu an tih theih hnuhnung ber a ni tawh a, Indian market-a an tlakchhiat rupna te pawh a tih theih awm e.
4Private operator pathum- Vodafone Idea, Jio leh Artel te hian ram-chhunga cellular market-90% vel zet hi an changpha a. A bak dang zawng hi sorkar enkawl BSNL niin, retail mobile market-ah lian lo zawk ni mah se, rampum huap angin a inzarpharh tha hle thung.
5Vodafone Idea tluchhia a, an talbuai viau hian thil dangah nghawng na tak neiin, a kaihhnawihah chhiatna namen lo a thlen zui thei tlat mai. India rama bank la ti ve hram hramte hi loan chhemi vuaklet kara la kal ve naw naw te an ni deuh fur mai bawk si a, a buai viau thei. Chu zawng zawng ai chuan, India rama telecom hi company pahnih lekin duh tawka an chawhkual theih dinhmunah a ding thei bawk a, hei hian thil tha zawk thlen tak maw!
6Subscriber billion khat chuangzet awmna India ram angah hian operator pali vel tal awm thei se chu duhthusam a ni a, heti anga telecom commpany te an zuih ral zel hmâ hian sorkar pawhin relief package eng emaw tak hmanga a chawm nun ve hram hram a tul. Lehlamah chuan, fo-reign investor te tan pawh remchanna a inhawng ve thei tho bawk.
7India telecom industry hi 2017 kuma Asia khawmualpuia hausa ber Mukesh Ambani enkawl, ‘Reliance Jio’ in market a luhchilh atang khan a danglam nghal dawrh mai a. Tariff tihniam duai duai a, a man a tlak chiam atang khan company dangte tan dam khawchhuah kha a harsa em em tawh mai a ni. An dinhmun a harsat pah!