Champhai Bawrhsap Maria CT Zuali chu Additional Secretary, FCS&CA/Planning & Prog. Implementation nihna chelh tura sawn a ni.
Mizoram sorkar chuan nimin khan Mizoram Civil Service (MCS) eng emaw zat siksawiin, notification a tichhuak a. MCS siksawi zingah hian tun hnaia dan loa Myanmar a\anga kuhva tawlh luh chungchanga thawm ngah tak, Champhai bawrhsap ni lai, Maria CT Zuali chu FCS&CA/Planning & Prog. Implementation Additional Secretary atan sawn a ni a. A hmun ruak hnawh khat tur hian James Lalrinchhana, Director, School Education Department ni lai chu sawn a ni thung.
Champhai bawrhsap a nihna a\anga sawn a nih chungchang zawhna chhangin Maria CT Zuali chuan, “Engmah lungawi lohna tur a awm lo a. Hotute min dahnaah puanthuah tela awm mai tur ka ni tih hi ka pawm a ni,” tiin The Zozam Times a hrilh.
“Tun financial year tawpah hi chuan kaisanna turte ka neih avangin hmun danga sawn mai tawh turah chuan ka inngai a. Mahse, hetiang chanchin a rawn awm thut erawh hi chu min rawn deng deuh dawt a. Ngaihtuahna mumal tak pawh ka nei lo,” a ti a; bul an lo \an tawh chu thlawp zel turin leh huai taka dik lohna leh dan zawm lohna doa che chhuak ngam turin mi tin a chah nghal.
December 17, 2021 zana Kelkang daia thil thleng kal zelah, tun hnai khan Champhai district chhunga lirtheia sumdawng kaihhnawih pawl pasarih hruaitu \hukhawmin, Champhai Bawrhsap Maria CT Zuali chu sawn chhuak turin Mizoram chief minister ngen an rel nia hriat a ni.
Hetih lai hian Champhai bawrhsap transfer chungchangah Champhai district huam chhunga pawl hrang hrang – Champhai Dist. NGO-CC; Sub-Hqrs. YMA; MHIP Sub-Hqrs.; MZP Sub-Hqrs; Champhai |halai Pawl Hqrs.; MUP Sub-Hqrs; MZI Sub-Hqrs leh Champhai Nature Conservancy-a office bearers chin \hutkhawm hmanhmawh, vawiin chhun dar 1 hian SYMA Office, Tlangrawt-ah koh nghal a ni.