YouTube star Jimmy Donaldson (MrBeast) chuan nikum 2021 khan $Makta-duai 54 lalutin, YouTuber chanchina kumkhata sum hlawhchhuak hnem ber a ni.
Forbes tarlan danin, ‘Ryan’s World’ tia hriatlar youtuber Ryan Kaji sum hmuh aia tam fe a hmu-chhuak a, nikum kha atan chuan kum hriatreng tawh tur a ni ngei ang.
Nikum kumtir khan subscriber maktaduai 50 zet a nei chho a, kumin January-ah hian maktaduai 88 ah a kai der tawh.
YouTube-a channel subscriber ngah ber pariatna ah awmin, US-ah chuan pathumna a ni. A channel hian viewer a kokhawm nasa thei hle a, billion 14 chuangzet a ni tawh.
Video a siam tawha lar ber chu nikuma South Korea drama, ‘Squid Game’ anga siam, a taka channa a ni a, thlakhat vel lek chhung-in view maktaduai 200 chuang a nei hman.
TheBeast hnuaiah hian YouTuber dang Jake Paul leh Mark ‘Markiplier’ Fishbach te an awm a, $Mtd. 45 leh $Mtd. 38 an hailut a ni.
TOP TEN SUM LAKLUH
- Preston Arsement, $Mtd. 16
Minecraft kaihhnawih channel buaiputu niin, channel dang thahnem tak a nei - Logan paul, $Mtd. 18
Boxer sawihlawh leh vlogger niin, 2017 ah top-10 a ni - Dude Perfect, $Mtd. 20
Comedy prankster a ni a, 2020 khan pathumna a ni - Ryan Kaji, $Mtd. 27
Khawvela reviewer lar ber tihngam a ni a, top three atangin seven-ah a tla thla - Nastya, $Mtd. 28
Kum sarih mi Russian naupang hian YouTube-ah subscriber mtd.90 a nei der tawh - Unspeakable, $Mtd. 28.5
Top 10-a lang thar ni mah se, Minecraft play-in kum sawm chuang a tal tawh - Rhett and Link, $Mtd. 30
Geek chat show buaiputute hi an puichho miah miah hle - Markiplier, $Mtd. 38
Gaming siamtu ve tho niin, sumdawnna lam thilah a pui - Jake Paul, $Mtd. 45
Boxing lama tifuh tak hian top 10-ah a invawrhlut hlawl mai a, UFC star te zar a zo tel - MrBeast, $Mtd. 54
Thlirtute tihlim a, tilungawi a, tithawveng tura stunt leh prank hmang tangkaitu a ni