Kum a lo thar a, Netlix pawhin plan tidanglamin, ram thenkhatah plan awmsa aia toa a kal laiin, India-ah erawh a tlawm zawngin a kal thung. Thil lawmawm tak a ni.
Tunhma lama mobile plan, Rs 199 ni thin chu Rs 149 ah a tla thla a, phone leh tablet-ah te 480p angin a en theih ang. Basic plan-ah hian user te’n single mobile, tablet, computer emaw TV-ah te vawkhata screen pakhat angin Rs 199 in an en thei bawk ang.
Standard subscription-ah chuan user te’n Rs 499 in HD video an en thei ang a, he plan-ah hian user te’n vawikhatah device pahnih hmangin an stream thei dawn a ni. Standard plan hi tunhma chuan Rs 649 a ni thin.
Premium plan ve thung en ila, tunhma zawnga Rs 799 ni thin kha Rs 649 ni tawhin, user te’n 4K+HDR video te an en thei ang.
Hetah hian user te tan vawikhatah device pali hmangin remchanna duhawm tak an hmuin, an en thei ang.
Netflix hi streaming lian ber ni mah se, eltu leh elpui a ngah chhoh zel avangin kawng hrang hrangin hma a la mek reng a, content bakah pawh man thlengin hmun thenkhtah a titlawm mek.