Mizoram Electoral Roll 2022 chu Inrinni khan district hrang hrangah District Election Officer theuhvin an tlangzarh a. Electoral Roll thara a lan danin Mizoramah vote nei 8,33,426 a awm.
Vote nei tharte nen Mizoram pumah vote nei mi 8,33,426 an awm ta a, chung zinga mi 4,28,459 chu hmeichhia an ni a, mipa vote nei mi 4,04,967 an awm thung. Mipa vote nei aia hmeichhe vote nei tamna hi 23,492 a tling a ni.
Aizawl district-ah vote nei mi 2,76,155 awmin, chung zinga mi 1,46,579-te chu hmeichhia an ni a, mi 1,29,576 chu mipa an ni, mipa aiin hmeichhia an tamna chu 17,003 a ni.
Lunglei district chhunga vote nei awm zawng zawng chu mi 97,303 a ni a, chung zinga 48,315 chu mipa niin, hmeichhia vote nei mi 48,988 an awm a ni.
Kolasib district-a assembly constituency pathuma vote nei zat chu mi 62,610 an ni a. Siaha district pum puia vote nei chu mi 43,015 an ni a, chung zinga 22,125 chu hmeichhia niin, mipa vote nei 21,042 an awm thung a ni.
Champhaiah district puma vote nei zawng zawng chu mi 55,357 niin, chung zinga 27,052 chu mipa leh 28,305 chu hmeichhia an ni. Lawngtlai district chhunga vote nei zawng zawng chu mi 87,608 a ni a, chung zinga chu 43,686 mipa niin, 43,922 chu hmeichhia an ni.
Mamit district-a assembly bial pathumah vote nei mi 70,861 awmin, chung zinga 35,860 chu mipa an ni a, hmeichhia 35,001 an awm a. Saitual district chhungah vote nei mipa 27,099 leh hmeichhia 27,486, an vaiin mi 54,585 an awm.
Serchhip district chhunga vote nei zawng zawng chu 52,852 an ni a, Khawzawl district chhungah vote nei mi 17,250 leh Hnathial district chhunga vote nei zawng zawng chu mi 15,730 an ni.