China rama an la tlangzarh lo chung pawhin ‘Spider-Man: No Way Home’ chu lemchan khawvela film hlawhtling ber paruknaah a invawrhchho ta.
Tom Holland channa hian film lar tak tak- Ju-rrasic World’ leh ‘The Lion King’ te a khum fai vek. Sony/Marvel film hi chetha chho zelin, internation box office-ah $Maktaduai 970 la lut tawhin, US-ah ringawt khuan $Maktaduai 720 a tling hman a ni.
Market lian ber zingami China rama tlangzarh a nih hunah phei chuan a dinhmun hi a danglam dawrh rin a ni a, record thar a siam ngei beisei a ni. Tun dinhmunah ‘Spider-Man: No Way Home’ hi UK, Mexico, Korea, France leh Australia-ah te a chetha zual.
Covid-19 hripui vanga hmun tam taka khuah-khirhna nasa tak karah heti tak maia a chetha thei hian lemchan khawvel tan beiseina nasa tak a siam phah a ni.
Top 10 Highest ranking film of all time
1 Avatar ………………………………….. $2,847,246,203 2009
2 Avengers: Endgame ……………….. $2,797,501,328 2019
3 Titanic ………………………………….. $2,201,647,264 1997
4 Star Wars: Episode VII –
The Force Awakens ………………….. $2,069,521,700 2015
5 Avengers: Infinity War ……………. $2,048,359,754 2018
6 Spider-Man: No Way Home …… $1,691,110,988 2021
7 Jurassic World ……………………….. $1,670,516,444 2015
8 The Lion King ………………………… $1,662,899,439 2019
9 The Avengers ………………………… $1,518,815,515 2012
10 Furious 7 …………………………….. $1,515,341,399 2015