Joint Action Committee on Inner Line Reserved Forest Demand (JAC on ILRFD)-in Assam Forest-in Inner Line Reserve Forest 509 sqr miles a enkawl mek chu Mizoram Forest Department-in enkawl turin sorkar laipui leh Assam sorkar dilna siam turin nimin khan Chief Minister Zoramthang hnenah ultimatum an thehlut.
Chief Minister Zoramthanga hnena an thehluhah JAC on ILRFD hian, 1875 Bengal Eastern Frontier Regulation in a sawi angin Mizoram chhunga awm Inner Line Reserved Forest 509 sqr miles Assam Forest-in an enkawl mek hi Mizoram a nihzia hriattira Mizoram Forest Department-in a enkawl turin Ministry of Environment, Forest & Climate Change, Government of India leh Assam sorkarah dilna siam tura an phut thu an tar lang a ni.
Hei bakah hian District Council a nih laia Assam-in chhiah Mizoram a pek thin, kum 1972-a Union Territory nih atang chhiah a pek tak loh chhiah ba zawng zawng hi a pung nen lam Assam sorkarah thinna hi ziak a thlen turin a phut thu an ziak bawk.
He an thil phutte hi February 10, 2022 ral hmaa hmalakna a awm lo emaw a nih chuan, JAC on ILRFD chuan an mi leh sa te thlavang hauh tur leh ram 509 sqr miles neih let leh theih nan a tul angin thalai inpeten hma an la dawn a ni tih an hriattir nghal bawk niin an tar lang bawk.