Tablet changkang tak, Motorola Tab G70 LTE chu tlangzarh a ni ta a, 11.00-inch touchscreen display, resolution 2000×1200 pixels a nei.
Battery lian tha 7,700mAh hmanga thuam hian octa-core MediaTek Helio G90T processor leh 4GB Ram a nei a. Camera bikah chuan 13- megapixel camera awmin, hmalamah 8-megapixel dah a ni bawk.
Motorola Tab G70 LTE hi Android 11 base a ni a, inbuilt storage 64GB neiin, microSD card hmanga la tihlen theih a ni cheu. A san/hlai leh chhah zawng hi 258.40 x 163.00 x 7.50mm a ni bawk a, gram 490-a rit a ni.
Color chikhat chiah Modernist Teal -ah hian USB Type-C, Wi-Fi 802.11 a/b/g/n leh GPS dah thlap a ni a, Sensor chhawm tel te chu ambient light sensor, barometer, gyroscope leh accelerometer te a ni bawk.
Motorola Tab G70 LTE hi Rs 21,999 man a ni ang