Instagram-ah chhungkua anga rorel thei awmchhun ni turin ‘Keeping Up WithThe Kardashian’ te chuan follower billion 1.2 chuang an nei ta.
Kylie Jenner (24) hi awh-awm khawpin follower maktaduai 304 neiin, a tam fal hle. Make-up mogul hian hma a hruai fal hle a, Kim Kardashian (41)-i’n follower maktaduai 281 in a dawt.
Hetih lai hian Koutney (42) pawhin follower maktaduai 160 a nei a, Khloe (37) hi follower maktaduai 215 velin an umzui ve reng bawk a, a nau supermodel Kendall (26) che vel en dauh dauh tur follower maktaduai 214 an awm ve reng bawk.
Chhungkaw hotu Kris (66) pawh a theu-neu bik hauh lo. Follower maktaduai 45.5 neiin, a puithu kher mai. A nau Rob (34) pawhin fan maktaduai 2.6 neiin, instagram-ah a tlangnel hle.
An vaia belhkhawm hian Kardashian te’n UK mipui let hnih zet follower an nei tihna a ni a, UK mipui maktaduai 67.22 zingah pawh fan ruhkawl eng emaw zat an nei.
Rank sâng ber Kylie-i’n a chhungte dang aiin inchhuanna tur a ngah fal a, Kim-i’n a dawt. Pathumnaah Khloe a lang a, Kendall palina niin, Kourtney-i’n pangna a hauh laiin, Kris leh Rob te chu parukna leh pasarihna an ni.
Kumin January tir lam khan Kylie hian social media-ah mel lung pawi-mawh tak phunin Instagram chanchina follower maktaduai 300 nei tling hmasa ber record a siam.
‘Keeping Up With The Kardashian’ star hian he platform-a follower maktaduai 289 nei mek Ariana Grande lal lukhum chhuhsakin, hmeichhe follower ngah ber nihna an rochun.
Kylie hi nikum November atang khan Instagram-ah a active zui lem lova, a pasal Travis Scott-a concert-na hmuna mi 10 thihna leh hliam tha-hnem tak an awm khan Instagram-ah hian thawm a nei zui lem lo chung pawhin Instagram record a siam tho.