Film siamtute tan pawha hriat thiam har turin 1999 a tihchhuah, ‘Fight club’ film tawp lam chu China-ah paih hmak niin, ‘thuneitute’n hnehna an chang’ tiin screen-ah thu an dah keuh.
Original tawp danah chuan chapo ve tak Tyler Durden (Brad Pitt)-a’n mi thah tuma a suangtuah dan a ni a, building bomb chhiat a nih hmâa thil theng niin, China-a tunlaia tihchhuah mekah building puah hmâ hian police te chuan pawikhawih tumna an dang hman, tih a ni a, misual an man bakah Durden hi thluak lam chiang lo ho dahkhawmnaah an nawr liam, tiin message fiah takin an tarlang.
A mak, a nâ
Director David Fincher film siam hi tunhnai khan streaming platform pakhat Tencent Video-ah dah niin, heti anga a tawp lam paih a, message hnutchhiah a ni daih mai hi hre thiam lo fe fe zingah mihring dikna leh chanvo humhalhtu pawl lian Human Rights Watch hial an tel a ni.
He film novel ziaktu Chuck Palahniuk chuan 1996 kuma novel tihchhuah, ‘Fight club’ sawisak a nih danah fiamthu lam hawiin a kai lut thung a, twitter-ah, “Thil mak piahlam a ni e. China ramah chuan tute paw’n a tawp hlimawm tak an chang fai vek mai,” a ti.