Aizawl: Serchhip Bialtu MLA Lalduhoma chuan nimin khan a bial chhung khua Buangpui leh Neihloh a tlawhin, tanpuina a hlan.
Bialtu MLA hian tun hnaia Covid-19 vei hmuh chhuah tamna leh restricted area-a puan mek, Buangpui khua tlawhin VLTF leh Health Department staff hnenah hri kaite enkawl nana damdawi leh hmanraw pawimawh, surgical glove, digital BP check-na, pulse oximeter, temperature enna leh PPE eng emaw zat a pe.
Buangpuiah hian mihring 500 chuang deuh awmin Ningani atang khan Covid-19 vei hmuh niin hri vei mi 117 an awm mek a, khawtlangin 4C pathumah an kalpui mek a. Bialtu MLA hian hri vei dinhmun leh an mamawh zawtin, a theih anga tanpui zel a tum thu a sawi.
Buangpui Branch YMA hruaituten an dil angin Tuirihiau leh Vantawng khawhthla inkar, Vanva luia lawngleng dah tur a ngaihtuahsak tur thu a hrilh bawk.
Lalduhoma hian Neihloh khuaa Neihloh Branch MHIP hnenah thingpui inna no dawrzawn 10 leh mitthi an awma an hman tur pangpar a pe bawk a ni.