HRISELNA HUANG
Covid-19 i kai hnu ah i sam a tla chiam em?
- Robert Zoliana
Covid-19 i kai tawh chuan i taksa a lo chau ang a, i dam loh lai kha chuan i taksaah danglamna hmuh tur langsar mai a awm lo ang. Mahse, i dam chhoh hnu-ah virus-in nghawng a lo neih natzia a i hmuh ngei a rinawm.
I dam chhuah atanga chawlhkar 6-7 vel thleng hian khuh, chau ngawih ngawih, ruk chuktuah nâ leh thil dangte pawh awm thei reng a ni. Chanchin lawmawm erawh chu, heng te hi zawi zawiin an kiam ve mai. Chutih rualin, Sam tla chiam mai leh sam pan tak, nung si lo hi mi tam takin an buaipui nasa hle.
Heti taka sam tla chiam mai hi chhan hrang hrang vang a ni thei a, a chhan bul bal tak phei chu zawn chhuah har tak a ni fo. Mahse, sam suk laia bul thut atanga a tla fo tih i hriat chuan stress emaw Covid-19 vang a ni thei.
Heti anga sam tla buaipui chiam i nih chuan thlaphang suh. A tihziaawm dan emaw chin fel dan chhawpchhuah a ni dawn a, uluk takin chhiar a, tha takin vawng bawk ang che.
Amla Powder (Ghee nen)
Thil intu ha lo leh awm-ang chiah lo te paw’n i ngai mai thei. Thil inkawp rem lo tur leh tih chi lo te pawh i ti mai thei. Mahse, awmzia a neiin, result tha tak a pe thei che tih ring-hlel suh. Chaw chhun i ei hmâ khan ‘regu’ takin amla powder fiankhat khat ghee nen ei pawlh hnu a tui lum pip pep tlak nghal khan thil mak a thlen dawn che.
Coconut oil nena massage
Coconut oil hian i sam-a awm protein dah that lehna tur kawngah theihna a nei a, sam hrisel leh nung tak i put lehna turah a pui thei. Sam i suk hmâ khan coconut oil lum pip pep khan lu vun te kha duat leh uluk takin massage thin ang che.
Chi leh thur lutuk ei tlem
Ei tur hrisel leh tha te hian i sam tan chawtha a thlen tih hria la, thil al lutuk leh thur lutuk ei reng mai hian sodium thahnem tak a tichambang thei a, chu chuan lu vun-a chaw tha lut tur a dang buai thei. I thil ei leh in ah chi i tih tlem chuan i sam tan malsawmna duhawm i thlen dawn tihna a ni.
Nuts leh seeds
Nuts (thei pil sak lam) hi a tui em em a, a hrisel bawk. Heng te hian taksa tan chawtha an pe thei a, Vitamin E, B leh zinc bakah fatty acids tul tak takte an ken tel avangin sam \han lenna turah pawimawhna lian tak an nei. Seeds (chi) te pawh ei fo a tha. Nihawi chi leh thil dang te hi nuts ang bawkin chaw tha leh hrisel an pai.