Champion nih tuma inum Milan khaw club pahnihten Inrinni zanah Italy a inkhel lian ber tia an sawi \hin Derby della Madonnina an khel a. Champion lai Inter Milan lakah French striker Olivier Giroud chuan goal hnih khungin AC Milan 2-1 in an chak.
San Siro a Milan Derby-ah hian Inter hi league-ah match 14 tlawm lova kal lai niin an lenglut a, minute 38-naah Ivan Perisic hmangin hma an hruai.
Inter chu a nawrtu zawkah a tir a\ang \angin Milan goalkeeper Mike Maignan chuan save \ha tak vawi hnih a siam a ngai a, Denzel Dumfries chuan goal pawm loh nei bawkin a hnung lamah Milan an chesual leh \hin.
Halftime zawhah Milan an insiam\ha a, an lama goal hlauhawm tam lutuk chu thlen tir tawh loh thupuiah an nei. Goal hlauhawm hmuh tur a tlem sawt a, mahse an top scorer Zlatan Ibrahimovic aia bul \an Giroud-a’n minute thum chhungin danglamna a siam.
A remchang neih hloh duh miah lovin minute 75-naah Brahim Diaz ball pet a\ang goal a khung a, minute thum hnuah chakna goal a khung belh.
Inkhel zawhah, “Kan team pumpui ang thovin first half ka khelhdanah ka lungawi lo. Mahse chawlh hnuah erawh team \angrual kan nihna kan lantir a, kan tho leh thei.”
“Title inchuhnaah erawh kawng a la thui a, beisei tur chiang takin kan nei, mahse a chung berah an la awm a, khelh hmabak pawh a la tam.” tiin Giroud chuan a sawi zui.
Inkhel dangah Jose Mourinho-a’n Serie A inkhel vawi 100 a enkawlnaah huntawp dawna Nicolo Zaniolo goal khung pawm a ni lova, player 10 a khel zo Genoa nen 0-0 in an inhnehtawk.