TECH TONIC
Khai le. February 14, Valentine’s Day-a tlangzarh tur Infinix Zero 5G hian 6.78-inch FHD+IPS LTPS display, 120Hz refresh rate a nei a, Dimensity 900 chipset, 8GB RAM leh 128GB storage-a thuam chak a ni bawk.
Infinix Zero 5G camera module hi Oppo Find X3 nen in-anna an nei a, hmalam lai takah punch-hole display a awm. Triple rear camera setup, quad rear flash hi belhchian a dawl hle a; 48-megapixel main sensor, 13-megapixel secondary sensor leh 2-megapixel tertiary lens dah niin, hmalamah selfie camera atan 16-megapixel camera fiah fai tha tak a awm bawk. Rear camera hian 4K video hi 30fps in a record theih dawn e.
Infinix Zero 5G hi 5000mAh battery chak taka thuam a nih vangin a ngaihthatthlak hle ang a, 33W charging mil thlap a la ni lehzel hi hahdamna tham a tling.
Connectivity bikah chuan 5G, Wi-Fi 6, Bluetooth, GPS, a USB Type-C port leh 3.5mm audio jack. a mil thlap.
He phone tha tak hi color chi thum- Cosmic Black, Horizon Blue leh Skylight Orange duhthlan tur a awm ang a; Rs 30,400 man a ni ang.