- Lallunghnema, Charity Lodge

Consumer Huang lo tangkaipuitu kan pung zel a. Hei hian min tilawm a, min tiphur khawp mai. Hemi tlukpui chiah hian Dawrkai hawihhawm chanchin hriat a,an hmel hmuh ngei hian nasa takin chona min pe a ni. Kha Dawr nghaktu khan chhiartute fak a hlawh hle a.Dawr neitu hmingte, a thlalakte leh a chanchin tlangpuite chu hriat an chak a,”I rawn tarlang nghal lova, hriat ve kan va chak ve,” an ti hlawm. Kha article clip kha theh darh min diltu an awm bawk a. An theh darh nasa hle mai khatia a chanchin ka han tarlang kha dawr neitu hian phu lo a in ti hlein zahthlak a tih thu min hrilh mawlh mawl a ni. Kei chuan mi dang en tawn atana ka duh avanga khatiang ti ta mai kha ka ni e,tiin inthiam lo takin ka hrilh ta nghe nghe a ni.
Dawr nghaktu leh te zingah hian chak lohnain a phuar vel hi sang tam tak an awm a. Chaponaa khat tlatte,anmahni dawrtute enga maha ngai lo,lo induh tawk khum tam tham tak an awm mek. Dawr nghaktu,hralh chhuaktu fel em em,Pathian thuawih hi hmuh tur an awm zut bawk.Dawrkai,sumdawng ka hmel hriat pakhat phei hi chu a felin a tha hle,a thil phal em em bawk a ni. Chutiang bawkin Consumer fel leh hawihawm tak tak chanchin hriat hian min tihlim thin a ni.Dawrkai tam zawk leh thil zuartu ho zinga a tam zawk fe chu an hawihhawm lova,thil leitute lakah an rinawm lo bawk a, belhchian an dawl lo thin hle a ni.
Heng mi chi hnih ka sawi chhuak tak zinga mi chapo, consumerte eng a maha ngai lo sumdawngte hian ram economy an tichhia a ni.Thil leitu te dah pawimawh thin mite erawh chuan ram economy an siam tha thin.Consumer-te tel lo chuan an ding chhuak thei lo tih an inhria a,an lo be chhe phal thin lo a ni.Mi thiamten Sap tawnga ,’Consumer is King,’ tih hi an vawng nung em em a. He thufing hi an eizawnna a an innghahna a ni.
Mizoramah hian CONSUMER-TE CHANVO leh DIKNA tlangaupuitu eng emaw zat an awm a, kei tiamin!Aizawl khawpuiah hian Bualhrangate,P.Lalupate,Thanglurate, Chawngsailovate, Hmangaihzualate, C.Laldawnglianate, H.Laldiklianate, C.Rohnunate, Pu Lianluaiate, Rev.Robawihate hi Consumer-te Mizorama kan hriat larte chu an ni a. Pu Lalsawta, Ex.Minister,tuna MPCC President ni lai mek hi Consumer-te hmakhaw ngaitu niin ka hre bawk.Ani hi MCU Adviser-te pawh a lo ni lawp lawp tawh a ni.Heng ka sawi bakah hian Rev L .N. Ralte ( mual min liamsan tawh-llh) pawh khan Consumerte tana beih chu Pathian rawngbawlnaah a ngai nghet tlat a ni.Tunlaia Party Politician zingah hian Consumer right ngaihven hi an awm mang lova,ui hum zat pawh an tling kher lovang,ka ti thin.Party Politician zingah Gas Manual hria an tlem,Public Distribution System hria an awm mang lo.Ration buhfai manual hria an tlem hle, National Food Social Security Act-te,Food Safety Act-te ,Gas Manualte,Control Order&Rules etc te hi hria an tlem hle. Kan hruaitu Pu Buala tawngkam han hawh ila,’Hengte hi Politics dik tak a ni,’ keini chuan kan ti.
Serchhip lamah hian Consumer Activist tha tak tak an awm nual a.Zonunate,Dinpuiate leh Chhuanawmate hi kan hriat lar pawl an ni a.Anni hi chuan activist an inti kher lo mai thei,kei chuan phu ka ti a.Activist ka ti hmiah mai a ni.Kei ve pawh hian Consumer Activist ka inti ve hmiah bawk.Sawrkar hna ka thawk lova, Political Party-ah ka inziak lut hek lo.Kohhranah Baptist Upa ka ni a,Pathian thu ka sawi zeuh zeuh.A taka nunpui uar mi ka ni.Ka lam zen zen lo.Ban ka phar tawh hi chuan ka hnuk hi a ulhin ka mittui hi a tla a ni ve nghal bawk.BCM(baptist -ho intih dan)nihna sang ka chelh ngai lova,dinhmun sang ka luah ngai hek lo.Sunday School Trainer ka ni thin.Sunday School hi Consumer interest tih lovah chuan ka subject tuina ber pakhat a ni.Zing tawngtai Inkhawm kal hi nuam ka ti a,zing tho hma mi ka ni a,ka tho tlai ngai lo.Pu Lengate hovin Morning Walk an han tih ve khang lan ang hi ka ngaina bawk.Kohhran hruaitu zinga,’ habit,’tho tlai ai chuan tho hmate hi ka dah sang zawk bawk.Zing tawngtai Inkhawm kal thin mi phei hi chu ka chhungte ka ti hial thin zu nia maw le!Kan thupui ka thelh tep!
Tun tumah hian Serchhip lama Consumer-te hmangaihtute hmalakna thenkhat leh District Consumer CommissionJudgment hi kan tarlang thuak thuak dawn a ni.A kimchangin kan sawi lo mai ang.KA DUH BER CHU HUAISEN TAKA CONSUMER RIGHT CHAMPiON-PUI TURA CONSUMER-TE ZIR A NI.
Consumer-te hnehna hi a ropui teh mai a nia! He Serchhip District Consumer Disputes Redressal Commission complaint chinfel thu hi tawitein sawi kan tum ang.Nikum November, 2021 ni 5 khan Complainant( Thubuai thlentu) hian Rawng bur,Berger silver colour paint 200 ml Serchhip I0C a Agent pakhat hnen atangin a lei a.An hman hmsin chu bur chu an Han hawng a,an hawn ve leh chuan bur chhunga paint chu a phuh chhuakba ta chiam mai a.Rawng bur hawngtu Pu Lalhmingthanga mit chu rawng chuan a phuh ta chiam mai a,damdawiin panpui nghal vat a ni a, theihtawp chhuahin Damdawiinah hian enkawl nghal a ni a. Mahse, he Damdawiina Doctor-te thurawn angin Aizawla Eye Specialist an pan nghal chung chung a. Mahse, Private Clinic atang ringawt chuan a mit chu enjawl dam theih mai a ni lova, chuvangin Surgery tih a ngai leh ta zel a. Harsatna namen lo an tawk ta a ni. Tichuan, Pu Hminga mit chu emergency-in zaisak a ni a. A mita thi tling nasa tak chu lak chhuaksak an beisei a ni. He vanduaina tawh chungchangah hian complainant hian Dawr neitute hnenah an thil tawnte chu an hrilh a. Mahse, an lo ngaihsak thu duh lo hle a ni awm e.
Tichuan, he laia Consumer Hruaitute buaipuiin Serchhip District Consumer Disputes Redressal Commission hnenah an zualko ta a. He Commission hnenah hian complaint an theh kut ta a nih chu. Complainant hian an Pa ber hliam enkawl nana an senso mante, Commission -a an khinna Thubuai thenkhata a senso leh rilru tihhah man -a vaiin Rs 5 lakhs an phut a ni. Ngun taka Commission hian a ngaihtuah hnuin Rawng zuartu chu thiam loh a chantir ta a. Rs 430000/- zet zawt a chawitir ta a ni. He judgment hi a darh chak hle a. Mipuiin an bengkhawm hle a ni. He hnehna hi Mizoram consumerte tan thil lawmawm tak keh ropui tak a ni. Commission President leh Memberte hi an fskawm hle mai!
He jdgment atanga kan zir tur chu;
- Serchhip District Commission an huaisen hle.
- Serchhipa Consumer Activist-te an fakawmin an huaisen bawk
- Complainant a huaisen hle. A entawn tlak a ni.
- Dawrkai hnena thil leitute an fimkhur a ngai hle.
- Chutih rualin Dawrkai leh thil zuartute pawh an inen let a ngai .
- Dawrkai leh Sumdawngte hian customer care nasa zawkin nei tawh rawh se
Chhuak lehah chuan tawn hriat thenkhat leh Thingsaia Gas double connection titute leh an harsatna tawh dan, Consumer Commission-in a lo puih dan tarlan kan tum ang.
Eng pawh ni se, Consumser-te dikna leh chanvo hriatna lo view tur leh lo subscribe turin ka ngen a che. He YouTube channel hmang hian mipui harsatna i sukiang thei e.
(Note: He ka thu ziaka hming ka tarlante hian min lo hriatthiam ka beisei. Thil tha beisei avanga ti ka ni e. – llh)