Indian Premier League season thar lo awm tur atana player lilamna chu tun kartawp khan Bengaluru-ah neih a ni a. India wicketkeeper-batsman kum 23 mi Ishan Kishan chu player manto ber niin cheng vaibelchhe 15.25 in a khelhna sa Mumbai Indians in an lei.
Player lilamna hi ni hnih chhunga kalpui niin a ni hmasa berah Kishan hi a man a to ber a. IPL chanchin a India player manto ber pahnihna niin all-rounder \hin Yuvraj Singh chiah a pha lova. Player pumpuiah manto ber palina niin South Africa all-rounder hlui Chris Morris leh Australia fast bowler Pat Cummins te a pha lo.
India bowler Deepak Chahar chu manto ber pahnihna niin cheng vaibelhchhe 14 in Chennai Super Kings in an lalut a. West Indies wicketkeeper-batsman Nicholas Pooran chu ram pawn mi zinga manto ber ni turin vaibelchhe 10.75 in Sunrisers Hyderabad in an lei ve thung.
Manto zual 10-te
- Ishan Kishan Mumbai Indians Rs. 15.25 crore
- Deepak Chahar Chennai Super Kings Rs. 14 crore
- Shreyas Iyer Kolkata Knight Riders Rs. 12.25 crore
- Shardul Thakur Delhi Capitals Rs. 10.75 crore
- Nicholas Pooran Sunrisers Hyderabad Rs. 10.75 crore
- Harshal Patel Royal Challengers Bangalore Rs. 10.75 crore
- Wanindu Hasaranga Royal Challengers Bangalore Rs. 10.75
- Prasidh Krishna Rajasthan Royals Rs. 10 crore
- Lockie Ferguson Gujarat Titans Rs. 10 crore
- Kagiso Rabada Punjab Kings Rs. 9.25 crore