Kar lam a hlâ a, tawn ni reng a awm si lo. Baihvai tak leh khawhar takin i awm. Khuanu zara tawn leh ni her hmaa mahnia lo tawrh tlawk tlawk mai lah hi buaithlak ang reng tak a ni.
A hnuaia tarlante hian lunglenna reh hlei thei lo a tiziaawm ang:
RINAWM TAKIN AW
Thup leh zep nei lovin i lunglenna hriat tir rawh.
Voice recording
FB leh WhatsApp te hmanga, ‘Wish u were here’ tih vel ai chuan love letter ngei hmanga thai kawi biahthu han inhlan hi a ‘powerful’ fe. A theih chuan ah ‘Aw’ khung (voice recording) la, a thawn nghal ang che.
HUN RANGKACHAK
Phone-a in inbiakin thil ho te te-a thinrimna tur zawn loh a tha a, hetiang lam hi pumpelh hram hram tur a ni. In inbe zen zen lova, hun tha inneih kha tangkai zawka hman tum tur.
NINAWM PALH THEI
Intawn ni a her chhuak ngei anga, chutah chuan boruak dang pawh a lo awm palh mai thei a. Entirnan: ‘Ka hmangaih reng che em?’, ‘Kan inkar boruak hi a fuh chiah maw’ tihte a lo chhuak mai thei a, mahse a rei anga a reh ve leh mai turah ngai rawh. Chuti ni lova, he zawhna hi a rik chhen chuan i kawppui nena insawi dun te pawh a ngai tihna a ni ang.
DILSAK ANG CHE
Mihring tih theih piah lama inlaichinna nghet leh thuk tak thlenthei tu Van malsawmna dil la, a tan tawngtaina thin ang che. Rilrua vei leh hriatrengna ringawt hi a tlo lova, chung lam malsawmna hi in tan a pawimawh hle.
HUNAWL NGAH LO LA
Lunglen reng renga khawsak hi taksa tan paw’n a tha lo hle a, hna leh tih tur insiam vat vat reng hi a tul a ni. In dawm kun reng lo la aw!