Manchester United in 1-1 draw result an nei leh a. Tunhnaia match thum a\anga hun pangngai a draw result vawi thum an neihna turin Southampton nen an inhnehtawk.
Ralf Rangnick-a pawlte hian tunhnai match thum chhunga 1-1 result an neihna a ni a. FA Cup-ah Middlesbrough lakah penalty in an tlawm a. Burnley nen an inhnehtawk tawh bawk. Heng inkhelah te hian United in first half an thunun vek a, goal khat bak khung thei lo vekin second half-ah an hmahruaina an hloh vek.
Old Trafford a inkhelah United in minute 21-naah Jadon Sancho hmangin goal an khung a. England winger hi United tana player hlauhawm tunhnaia an inkhel hnuhnung pahnihah a ni.
Burnley ang bawkin Paul Pogba chuan halftime dawnah goal a khung a, Cristiano Ronaldo offside avangin pawm a ni lova. Ronaldo hian second half-ah goal khungin pawm a ni lo bawk.
United in second half \an tirah goal an chhuah leh a, Saints striker Che Adams chuan a ‘finishing’ \ha hmangin an si phurh a sut.
Manchester United boss Ralf Rangnick, “Tunhnai kan result leh inkhelte nen danglamna a awm lova, hei hi a pawi lai chu a ni. Point thum hmu turin point khat kan hmuhna inkhel \um li na a ni a. Pawm har mahse kan pawm a ngai.” tiin a sawi.
City an thlawk sang
Manchester City in an hmahruaina chu point 12-ah an tisang a. 4-0 in Norwich City lakah hnehna an chang.
Carrow Road-ah City tan Raheem Sterling chuan hattrick a siam a. Minute 31-na, 70-na leh 90-naah goal a khung a. Phil Foden chuan second half \an tirah goal khat a khung ve bawk.
Pep Guardiola pawlte hi October thla a\angin league-ah an la tlawm leh lo.
Guardiola chuan, “Awlsam angin lang mahse chak turin kan rilru puthmang a dik a ngai a, kan tih tur tak tih hi thil awlsam a ni lo.” tiin a naute a fak.
Frank Lampard hnuaiah Everton in hnehna an chang a, Seamus Coleman, Michael Keane leh Anthony Gordon ten goal khungin 3-0 in Leeds United an hneh.