UFC middleweight champion Israel Adesanya chuan a champion kawnghren a humhim a. UFC 271-ah amah chotu champion hlui Robert Whittaker lakah hnehna a chang.
Pathianni zinga Houston khawpuia Toyota Center a main event-ah hian champion lai ‘The last stylebender’ tia hminglem an vuah New Zealand fighter hian a khingpui lakah a ban leh a bawp sei zawk chu a chakpui a. Bout intluk tawk takah hian round hmasa berah a khingpui hi chhuatah hnek tlu mahse Australian fighter Whittaker-a’n round hnuhnung lamah Adesanya hnaihchilhin a bei fova. Amaherawchu judge te mitah chak tura ti tam tawk lovin 48-47, 48-47, 49-46 in judge pathumin champion lai hnehna an chantir.
Adesanya chuan post fight press conference-ah, “Khawvela \ha ber nih tum pahnih kan ni a, zaninah keimah zawk a \ha ber chu ka ni. Ka inlan dan kha 10-ah 7 vel niin ka hria, a chhe lo. Chess ang a ni a, thluak hmanga inbeihna a ni.” tiin an intumna a thlirlet.
Kum 2019 October a an intum \uma round hnihna a knockout a tlawm tawh Whittaker chuan, “Kan intum hmasak a\ang hma ka sawnna chu inhmu thei ang. Result chu engpawh nise ka hmalam atan ka phur a, ka thlen theih chin hi a sang. Ka tum a la dang lo, ka hma a ding apiang ka paltlang ang.” tiin a sawi.
No.3 heavyweight hnehtu ‘Bam Bam’
Co-main event-ah heavyweight knockout artist hlauhawm Derrick Lewis chuan round khatnaah Tai Tuivasa a dah\hat theih loh hnuah round hnihnaah kum 28 mi Tuivasa hian chiang takin a knockout.
‘Bam Bam’ tia hminglem an vuah Tuivasa hi UFC-ah vawi 11 a inlan a\anga vawi 8 a chakna a ni a, a zawnin vawi nga hnehna a channa a ni bawk.