German champion Bayern Munich in kaithar VFL Bochum lakah first half-ah goal li an chhuah an tuar a. 4-2 in rin loh takin an tlawm.
Inrinni zana Vonovia Ruhrstadion-ah Bayern hian tun season-ah Bundesliga goal khung tam record siam tumin khelmual an lut a. Goal 68 an khung tawh avangin league season khat a goal khung tam record siam turin an dinhmun a \ha.
Mahse Bochum zawk tun kartawpah an che fuh a. Minute 9-naah Robert Lewandowski hmangin Bayern in goal khung mahse first half-ah goal li in an chhanglet.
Christopher Antwi-Adjei chuan an an si phurh a sut a, Jurgen Locadia chuan penalty a\ang khung belhin Cristian Gamboa leh Gerrit Holtmann ten goal mawi an khung belh.
Second half-ah Lewandowski-a’n tun season a a league goal 26-na khung mahse inkhel an her danglam thei tawh lo.
Bayern hi league-ah vawi li an tlawmna a ni a, an dinhmun erawh derthawng pha lovin point 9 in an la sang.
Inkhel dangah VFL Wolfsburg in season bul an \an chhiat hnuah insiam\hat lam an pan chhunzawm a, Max Kruse leh Dodi Lukebakio te goal khung hmangin 2-0 in Eintracht Frankfurt an hneh.
RB Leipzig in Zirtawpni zanah hnehna changin a sang pali zingah an inhlangkai a. Red Bull Arena-ah Christopher Nkunku, Dani Olmo leh Angelino ten goal khungin 3-1 in FC Cologne an hneh.