Chelsea chuan an club chanchin a vawikhatna atan FIFA Club World Cup trophy an chawi a. Brazilian club Palmeiras chu extra-time-ah 2-1 in an hneh.
Inrinni zana Abu Dhabi a final inkhelah Chelsea tan minute 117-naah midfielder Kai Havertz chuan chakna goal a khung a. Kum 2021 UEFA Champions League chawituten an club neitu Roman Abramovich hnuaiah trophy chawi theih zawng zawng an chawi kim.
Hun pangngaia inkhelah Blues hian semi-final a an khel ang thovin ball an chang hnem a, mahse chance tam an insiam hleithei lo.
Palmeiras lamin team \ha Chelsea lakah counter-attack khelh an lungawi a. A sir lamah Rony leh Dudu te tlanchakna hman \angkai an tum. Chelsea buaina belhchhah turin Mason Mount chu inhliam avanga lakchhuah a ngai bawk.
Mahse second half \an a\anga minute 9 a liamn Romelu Lukaku chuan Callum Hudson-Odoi cross dik tak mai chu a tauh lut a. Christian Pulisic-a’n khung belh teuh mahse Thiago Silva penalty chawi a\angin minute 64-naah Raphael Veiga chuan an si phurh a sut zawk thung.
Hun pangngai a goal a luh loh hnuah Chelsea in penalty an hmu ve a. Luan-a handball avangin Germany playmaker Havertz chuan chakna goal a khung a. Luan hi huntawp hma in hnawhchhuah a ni bawk.
Chelsea coach Thomas Tuchel chuan, “Chak kan duhna hi a reh tak tak ngai lova, trophy chawi zel kan duh. Huntawp dawna chak tur hi chuan vanneihna kan lama a \an a ngai ve a, mahse inkhel hrim hrimah tlawm kan tum miah lova, a tawp thleng khan chak tumin kan bei ngat ngat a ni.” a ti a.
“Roman nen khelmual chhungah kan inlawmpui thu kan inhrilh. A tuina leh inpekna avanga hetiang hi thleng kan ni.” a ti bawk.