Tata Altroz XT DE tlangzarh

auto corner
by Ruata

Tata Altroz XT DE tlangzarh

India ram lirthei company lar leh hlun tak Tata Motors chuan an lirtheia Dark Edition (DE) ho bikah huang an rawn zauh leh ta a, an premium hatchback changkang leh mawi tak mai Altroz-a Dark Edition chhuak mek chu a huang zauhin XT variant hoah dark edition an tihchhuah belh leh.
Dark Edition tih hian rawng dum chu thupuia neiin mawi takin rawng thim hlangin an lirthei hi an duang tihna a ni a. Hei hi Tata chauh lo pawh lirthei company hrang hrangin an ti ve thin a ni. Tata Altroz Dark Edition thar hi Altroz variant zinga a laihawl, XT trim hoah siam a ni a, a man hi Rs. Nuai 7.96 (ex-showroom, Delhi) atangin a intan dawn a ni. Tata chuan XT trim a dark edition an tihchhuah thar bakah hian a top class, XZ+ hoah Dark Edition chhuak sa chu hmanraw kentel tharin an thuam a, diesel khawl thar duhthlan tur an dah thar bawk.

Tata Altroz XT Dark edition-ah eng thil thar nge kan hmuh?
Tata Altroz XT Dark hi Rs 46,000 in a pangngai aiin a to belh dawn a. He Dark edition lirthei tharah hian Cosmo Dark rawng a pawn lamah kan hmu dawn a. Hei bakah hian dark tinted “Hyperstyle” wheels kan hmu dawn a. “#Dark” exterior badging bakah an all-black interior theme – a chhung zawng zawng rawng dum hlanga mawi tak leh dak nalh thlarha duan kan hmu dawn bawk. A chhunglamah hian perforated leatherette seats, driver’s seat, front seatbelt leh rear headrest te a sang zawng thlak theih (height adjustable) a ni dawn bawk a, steering wheel leh gear lever te savun dak nalh taka tuam (leather-wrapped) a ni ang.
Altroz XT Dark hian 86hp power pechhuak thei, 1.2-litre naturally aspirated petrol khawl a hmang dawn a. Hei bakah hian aia chak 110hp power pechhuak thei, 1.2-litre turbo-petrol engine leh 90hp power pechhuak thei, 1.5-litre diesel khawl te duhthlan tur a awm bawk. Heng ho hian an vai hian 5-speed manual gearbox an nei a ni.

Tata Altroz XZ+ Dark edition-ah eng thil thar nge kan hmuh?
Hei hi a top class zawk kan lo sawilan zeuh tawh, Dark Edition chhuah mekna sa kha a ni a. XZ+ Dark Edition bikah hian Tata Motors chuan 90hp power pechhuak thei, 1.5-litre diesel khawl hi Altroz XZ+ Dark bikah hian duhthlan theihin an dah thar a. Altroz Dark XZ+ chhuak mek hi chuan petrol khawl chi hnih chauh duhthlan tur a nei a ni. The Altroz XZ+ Dark diesel hi Rs Nuai 10.00 (ex-showroom, Delhi) man a ni a, a chhuak mek aiin Rs 30,000 in a to belh ang.
Tata Motors chuan XZ+ Dark edition hi a hmaa a neih loh thil tharin a thuam a. Hei hi himna lam hmanrua, Brake Sway Control a ni a. Hei bakah hian a tyre pressure monitoring system an rawn dah thar bawk.

Tata Dark Edition
Tata Motors hnuaiah hian an lirthei hrang hrangah dark edition hi kan lo hmu tawh a, nikum khan Altroz bakah hian an compact SUV Tata Nexon leh SUV lian hret Harrier-ah te an lo tlangzarh tawh a. Hmanni lawk khan an SUV thar Safari-ah dark edition hi kan lo hmu tawh bawk a ni.

Tata Altroz elpuite
Tarlan tawh thin angin Tata Altroz hi premium hatchback lirthei huanga mi a ni a. Hei hi lirthei te ho, a hnung bul ho bikah chuan a lian leh changkang ber class tiin a sawi theih awm e. A elpuite pawh hemi huanga mi tho, Hyundai i20, Honda Jazz, Toyota Glanza leh Volkswagen Polo tih te a ni dawn a. Heng ho nen hian market lamah an inel mek a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427