Kum 63 mi, kea district khawpui tlawh chhuah vek tumin Mamit thleng


Ke hlira Mizoram district khawpui zawng zawng tlawh chhuah tum, Lalbiakthanga chuan Mamit a thlen hnuah nimin tuk khan Dapchhuah a pan.
Aizawla Lawipui-a khawsa, kum 64 mi, Lalbiakthanga hian ke hlirin Mizoram district khawpui zawng zawng bakah, Chawngte tlawha Sakawrdaiah a tawpna siam tumin February 9, 2022 khan Vairengte a chhuahsan a. February 12, 2022 tlai dar 6 khan Mamit thlengin a riak lut a, nimin tuk khan Dapchhuah a pan leh a ni.
India ramin zalenna a neih vawi 75-na lawmna, ‘Azadika Amrit Mohotsav’puala campaign tum, Lalbiakthanga hian hri len dan en chung zelin fimkhur taka kal a tum a. A kalna apiangah au hla neiin, khawvelah remna leh muanna a awm theihnan te, India hnam inpumkhatna (national integration), ram mipuite chi leh sakhua, culture inzahtawn thiam nan te; luipui leh luite, tui awmsa zah taka enkawl leh tui hna a lo pun belh theih nan bakah thingphun a ramngaw siam te, pi/pu atanga khaw tinin tuikhur neihsa tuai thar leh humhalh te leh Zonun zemawi chawinun zel bakah aia upate zah thiam inzirtirte chu a thu ken a ni.
Lalbiakthanga hian tun atangin engtik hunah pawh lo thi mah se, a taksa bung hrang hrangte chu a mamawhtute hnenah a thlawn liau liauin a hlan (donate) thu a puang a ni.
Myanmar mipuiten remna leh muanna an neih nan leh sipaiten civil mite hnenah thuneihna an hlan let leh nan Peace for Myanmar tiin Aizawl atangin Zokhawthar thleng kein a lo kal tawh bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427