Tun season Formula 1-ah intlansiak pathumah sprint race hmanga qualifying neih a ni leh dawn a. Mahse point an hmuh dan erawh a danglam tawh dawn.
Sprint race ah hian Inrinni zana qualifying an tlan \hin chu Zirtawpni-ah tlanin Inrinni zanah intlansiak a an tlankual chhuah zah tur hmun thum a \hen a hmun khat chu a chak thei ang ber a tlanin an intlansiak \hin a, heta an tlan zawh dan hi a tuk intlansiak ni a an tlanchhuah \an dan tur a ni.
Season liamta khan sprint race-a pathumna chinin point an hmu a. Tun \umah erawh pariatna chinin point an hmu dawn a, pakhatna in point 8 a hmu ang.
Tun season a sprint race an neihna tur intlansiakte hi April thla a Emilia Romagna Grand Prix, July thla a Austrian Grand Prix leh November thla a Brazilian Grand Prix ah te a ni ang.
Sprint race qualifying neihna intlansiakah hian sprint race a pakhatna chu intlansiakah a hmasa ber a\anga tlan chhuak tur nimahsela ‘pole position’ changtu a ziah luh a ni dawn lova, Zirtawpni qualifying a pakhatna chu pole position lawmman pek a ni ang.
Intlansiak tihtawp hma chungchang
Tun season liamta khan Belgian Grand Prix chu ruah a sur nasat em avangin tlan mumal a ni lova. Spa-Francorchamps a intlansiak hi safety car hnuaiah ruah a sur nasat avangin lap hnih \heuh an tlanchhuah hnuah tihtawp a ni a. Tumah intlan pelh ni lovin intlansiak bul an \an dan a top 10 chu point pangngai zahve \heuh pek an ni.
Tun \umah erawh a dang tawh dawn a, intlansiak a point hmu turin hmahruaitu in lap hnih tal a tlan zawh ngei a ngai dawn.
Intlansiakah hmahruaitu in lap hnih a tlan tling a, lap tlan zat tur 25% a tlan tling lo a nih chuan – 1st (6 points), 2nd (4 points), 3rd (3 points), 4th (2 points), 5th (1 point) pek an ni ang.
Hmahruaitu in 25% a tlan tling a, 50% a tling lo a nih chuan hetiang hian -1st (13 points), 2nd (10 points), 3rd (8 points), 4th (6 points), 5th (5 points), 6th (4 points), 7th (3 points), 8th (2 points), 9th (1 point) pek a ni ve thung ang.
Intlansiak hmahruaitu driver in 50 percent a tlan zawh tawh a, 75 percent a la tlan tling lo a tihtawp a ngai a nih chuan point hetiang hian – 1st (19 points), 2nd (14 points), 3rd (12 points), 4th (9 points), 5th (8 points), 6th (6 points), 7th (5 points), 8th (3 points), 9th (2 points), 10th (1 point) an hmu ve thung ang.
London khawpui a F1 Commission inhmukhawm chuan heti hian ro a rel a, Belgian Grand Prix a khaw chhe kara intlansiak kalpui danin entu mipui piah lamah team te leh driver te a\angin sawisel a hlawh hle.