Aizawl: Provisional Employee’s Association of Mizoram (PEAM) chuan Mizorama sorkara an lungawi lohna lantir nan ni hnih chhung mass casual leave lak an tum.
February 15, 2022 khan PEAM hian emergency exeutive committee meeting an nei a, hetah hian Provisional Employees-te regular ve theihna, austerity measure (OM No.G.17.04/4/2019-FEA Dt. 28.05.2020) hmanga sorkarin a danna a la phelh loh avang leh an intunnun vena tur (NPS zulzui) nei tura hma sorkarin a laksak loh avangin February 17-18, 2022 hian mass casual leave lak nise tiin thutlukna an siam a ni.
PEAM hian an hamthatna leh chanvo neih tlem tê chang tura an chawlh tur hian Mizoram sorkara department hrang hranga provisional employee a huam dawn avangin harsatna awm thei chungchangah department hotute leh mipuite hriatthiamna an dil tih an sawi a. An chawlh tur hi The Mizoram Gazette Notification No.A.12034/48/2018-P&AR(GSW) Dt. 04.03.2020 para 10.03-in a phalsak anga casual leave lak tur a nih thu an thuchhuahah an tar lang.