Paris Saint-Germain in UEFA Champions League chawi an tumna kawngah knockout stage ah ke an pen a. Vawi 13 champion tawh Real Madrid chu 1-0 in first leg-ah an hneh.
Parc des Princes-ah Paris khaw club in Spanish club hi an mikhual a. Huntawp dawnah PSG chhuanvawr Kylian Mbappe chuan goal \ha mi khungin a team a chakpui.
Real Madrid in nipui a lakluh ngei an tum France striker hian veilam sir a\ang Neymar-a’n fing tak maia a lama ball a khen chu la in an khingpuite goal zawnah chak takin a tlan luhpui a. Defender pahnih a pelh hnuah Thibaut Courtois kapkarah pet tlangin goal a khung a, Parc des Princes thawm a ring.
A tawpah chuan PSG
He inkhel hi PSG tan hun\ha uiawm taka kal ral a ni mai dawn a ang hman a, second half tir lamah Lionel Messi-a’n penalty an hmuh a khung loh chu an tuar dawn a ang hman hle.
Mualneitu lam hian inkhel hun tam zawk chhung ball an chang hnem a, an khingpuite aiin inkhelah an langsar zawk fo. Mahse Real Madrid tlarhnung an khel\ha a, nghet taka an din tlat avangin PSG in chance mumal an ngah lo.
First half-ah goal-ah vawikhat chiah shot an nei a, Mbappe-a ke a\anga chhuak niin Blancos goalkeeper Courtois chuan a dang hman.
Second half a Neymar dah luh a nih hnuah inkhel a thlak danglam a. Inhliam avanga November thla hnua a inkhelh leh hmasak berah Neymar hian Real tlarhnung chu a tibuai fova. A ball cross a hlauhawm bakah fing tak taka Real tlarhnung inkara tlan luh a ngah a, Mbappe ball fing a pek bakah tlarhmaah hmunawl a siam hnem.
Hnehna an chan avangin PSG in March 9 a Madrd a second leg an khelh hunah dinhmun \ha a dingin inkhel an hmachhawn dawn a. An Champions League title hmasa ber lak tumna an ti nung thar.
Mbappe enchhinna hlawhtling
Inkhel \an hma a\anga titi lian chu Mbappe a ni a. A club thar ni mai tura ngaihte lakah engtinnge a inkhelh dawn tih chu zawhna lian tak a ni.
Kum 23 mi hi khawvela footballer \ha ber zinga mi a ni mek a, tun season-ah pawh che \ha hle in PSG hi dinhmun khirh tak tak a\angin vawi tam tak a goal khung theihna hmangin a chhanhim tawh a. Paris khaw club tana player pawimawh ber chiang takin a ni.
Tunhnaia Rennes nena an inkhelh \umin minute 93-naah chakna goal a khung tawh a, tun \umah pawh hun hmawr tawh takah goal a khung leh a, inkhelah danglamna a siam.
Real Madrid goal ven dan a fakawm a, Mbappe veng turin mi pahnih an dah hreh lova, hei vang hian inkhel hun tam zawk chhung a che bik lo.
Nimahsela Neymar dah luh a nih hnuah ven tur an tam belh a, Mbappe-a’n tal velna tur hmunawl a neih hnem sawt chu PSG tactic hman fuh a ni.
Real in chelh tlang theih an inbeisei laiin tun season a a goal 22-na a khung a. Season tharah an tlarhma a khel tura an awhna a zual ting ang.
“Thutlukna ka la siam lo”
Hnehna an chan hnuah Paris St-Germain striker hian an khingpuite chungchang leh inkhel chungchang zawhna a chhang a. A hma hun engmah sawi theih a la nih loh thu a sawi.
Tun nipuiah Paris a contract a neih hi a hmang zo dawn a, tunah hian ram dang club-te nen inbia in contract ziak tura inremna a duh chuan a nei thei tawh.
Mbappe chuan, “Khawvela team \ha ber te zing ami ah ka khel mek a. Tun season zawh thleng chu ka theihna zawng zawngin ka khel ang, a bakah erawh thutlukna engmah ka la siam lova, thildang ka ngaihtuah lem lo.” tiin a sawi
Real Madrid tana a khelh chak thu lo sawi tawh \hin Mbappe hi inelna sangah a \ha telh telh emaw tih turin a danglam bik a. UCL bikah a inkhel hnuhnung 13 a\angin goal 13 a khung tawh.
Messi-a record a duhawm lo
Paris Saint-Germain in sawihlawh taka an lakluh Lionel Messi-a’n hun pawimawhah a theihna sang a pholang lova. Penalty a khuung loh avangin UEFA Champions League record duhawm lo a siam.
Messi-a’n Champions League chanchin a penalty khung lo ngun ber record dinglai a tluk a. Thierry Henry nen vawi nga ve ve an khung lo.
Hei chauh hi ni lovin Champions League chanchin a penalty pet hnem ber a ni a, Cristiano Ronaldo record khumin vawi 23 a pet tawh.
Messi-a penalty pet hi Kylian Mbappe hlawhchhuah niin Real Madrid goalkeeper Thibaut Courtois chuan a lo dansak.
Belgian goalkeeper chuan penalty chungchang sawiin, “Messi penalty pet dante hi ngun takin ka zir \hin a, tunhnaiah pawh kan inbuatsaihnaah ka zir uluk. A pet dawn khan goal a\ang khan ka theihtawkin chhaihbuai ka tum bawk a, tin penalty dang tur hian vanneih tel a ngai ve bawk.” a ti a.
An inkhel lam sawi telin, “Hetiang ang inkhel hautakah hi chuan goalkeeper ka nih angin nidang zawng aia \ha a khelh a pawimawhzia a hriat leh zual.” a ti bawk.