Manchester United in Premier League top four a kir leh turin hnehna an chang a. Brighton & Hove Albion lakah tunhnaia an tih theih loh second half goal khungin 2-0 in an chak.
Old Trafford a Thawhlehni zana Premier League inkhelah hian United star Cristiano Ronaldo chuan match ruk chhung goal a khung lo hnuah second half \an tirah goal a khung a. Tunhnai match hnuhnung pahnihah second half \an tira goal chhuah \hinin goal an khung zawk.
First half a beisei an phak loh viau hnuah chawlhlawk zawhah United an insiam\ha a. First half a goal khung teuh Brighton in chawlhlawk hma an khelh\hat an chhunzawm thei lo.
Minute 51-na a Ronaldo-a’n goal a khung hnu lawkah United in nung taka second half bul an \an rah an seng a, Brighton captain Lewis Dunk chu Anthony Elanga a tih tluk avangin hnawhchhuah a ni a. Tam zawk an nih hnuah United an chungnung hle a, goal erawh an khung belh thei lo.
Chance \ha tak hloh nual Bruno Fernandes chuan minute 97-naah an chakna nem ngheh nan goal a khung.
Manchester United manager Ralf Rangnick chuan an chak hnuah, “Tun \um chu a \ha lamin second half-ah thil a inthlak ve tawh a, a tawpah erawh team che \ha tluang lai lakah point thum kan hmu. Inrintawkna ngah leh ball hmang thiam an ni a, second half-ah huaisen zawka kan khelh a ngai tih kan hria a, kan risk lak a fuh. Minute 75 hnu phei kha chuan 4-0 vel tur a ni tawh a, mahse goal hmaah kan chiai leh deuh \hin.” tiin inkhel a thlirlet.