Zo rimawi khawvela Rock \ulpui a, nghet taka vuan chhunzawm ngam langsar, Er. F. Sanglura chuan music video pui tak, ‘Indona’ a vawrh-chhuak ta.
Metal rim nam pha en leh ngaih-thlak tur kan nei leh thei hi i lawm fo teh ang u! Slow Rock ngaina tan, ‘Ngaihlungrun’ hla pawh i ngaithla thuai dawn bawk. A rei lovang.
Indona luhchilh ang!
Changkhatna leh chang-hnihna ah hian tunlai khawvel ram ropui tak takte inep mek te bakah kan chhehvel buaina, indona te, corona buaina te chiang takin a tarlang. Chang thumnaah erawh Zoram politics a hailet chiang viau a, tunhma atanga ram inrelbawlna lam hawi a x-ray bakah hringnuna lal inchuhna leh lemchan kual velna chiang fek fawkin a pholang bawk.
Changlina ah chuan, Sakhaw pui-thiam te, Pathian hrechang lek lova sum lam an tlan nasa lutuk te, Pathian nung \ihna hre lova an khawsak chhoh mek dan te a hai lang leh a, music arrangement fuh fahran nen inchawih mawi tak a ni.
Thunnawn ah hian thlarau lam nunah kailutin, heng zawng zawng aia hlu leh ropui Jehova Pathian chu kan phaw leh inhumhimna ni se, a tih bakah Pathian chu kan lungpui leh kulbingsang sang, kan chakna leh innghahna ni zawk se, danglam ve ngai lo Pathian kan neih thu te nen a rem khat mawi lehpek hle.
Metal a nih vang ngawta beng-chheng leh ri buan buan turah i ngai ngawt ang e. A thlûk a mawiin, music a khat tha a, khawi mawi laia slow rock rawn tla zep thin leh ‘aw’ chak tak rawn inhung leh thut thin te khan ‘Indona’ ah hian a satu Er. F. Sanglura’n hnehna a chang chiang hle, a tih loh theih loh.
Hnehtu a ni!